Toshkent pedagogika kolleji

Tebratma kursi, arg’imchoq, karuselda uchish. Mashqlarning bu turlari vestibulyar apparatni rivojlantiradi, tezkorlikka nisbatan barqarorlikni oshiradi, muskullarni mustahkamlaydi, jismoniy sifatlarni takomillashtiradi, dovyuraklikni o’stiradi.Bolalar bog’chasida turli konstruksiyalardagi (individual, juft va guruhviy) tebranma kursilardan foydalaniladi. Induvidual tebranma kursilar (toychoq, quyoncha, o’rdakcha, xo’rozcha va boshqa shakldagilar) ikki yoshli bolalarga tavsiya etiladi. Bog’cha yoshidagi kichik bolalarga birmuncha murakkab tipdagi (tebranuvchi narvon, kreslo, qayiq, skameykalar), ko’pincha yon devori figurali (afsonaviy, qush, baliq va boshqalar) tebranma kursida tavsiya etiladi. Tebranma kursilar o’yinchoq ko’rinishida bo’lishi mumkin (samolyot, ot). Katta yoshli bolalarga mo’ljallangan tebranma kursilar (avtomobil, otlar, g’ildiraklar) po’lat trubalardan yasaladi.



Bolalar sayr paytida tebranma kursilardan mustaqil foydalanadilar, biroq tarbiyachi belgilangan meyorni nazorat qilib turadi: bola 5- 20 marta tebrangandan so’ng kursidan tushishi kerak. Maktabgacha yoshida tarozi arg’imchoqlar, osma arg’imchoqlar va boshqalardan foydalaniladi. Ularda bittadan, ikkitadan, to’rttadan bo’lib uchish mumkin. Bolalar mustaqil uchadigan arg’imchoqlar (o’rtoqlari va tarbiyachi ko’magisiz) ko’proq foydalidir, chunki bunda muskullar yaxshi rivojlanadi.



Arg’imchoqlarda o’tirib va tik turib uchiladi. Tarozi arg’imchoqlar sujeti figuralar (quyon, ayiq, samolyot, ot) “Buratino”, “Etik kiygan mushuk”, “Ajoyib o’rdakcha” ertaklari personajlari bilan bezaladi. Kichik yoshli bolalar uchun induvidual (o’rindiqlari o’raglan) osma yog’och arg’imchoqdan foydalaniladi. Tarbiyachi bolaga arg’imchoqda o’tirib uchishda yordamlashadi, o’zini tutish qoidalarini tushuntiradi. Ularni bajarilishi ustidan nazorat qiladi. Har 15-20 marta uchgandan so’ng dam olish uchun tanaffus qilinadi.