Toshkent moliya instituti sh. H. Tashmatov, X. S. Asatullayev, Z. G. Allaberganov

...  arzon  olib  qimmat  sotish»,  ya’ni  xalqni  zarari  hisobiga  foyda 
ko‘ruvchilardir.
Navoiy  intellektual  mehnatni,  ya’ni  olimlar  va  boshqa  shu 
kabilaming mehnatini jamiyat uchun zarur, deb ko‘rsatib berdi va ulami 
o‘z mas’uliyat va burchlarini sezishga chaqirdi.
5 .4 .  Zahiriddin M uham mad  Bobur va Boburiylar davri
Zahiriddin M uham mad 
Bobur (1483-1530)
Davlat arbobi va qomusiy olim Zahiriddin 
Muhammad  Bobur  (1483-1530)  va  uning 
avlodlari  tomonidan  ijtimoiy,  iqtisodiy  va 
huquqiy  masalalarda  katta  ishlar  amalga 
oshirilganligi bizga tarixiy bitiklardan ma’lum. 
Xususan,  Bobuming  «Bobumoma»  asarida, 
«Mubayyin»  kabi  to‘plamlarida  iqtisodiyotga 
oid  ma’lumotlarga,  shu  jumladan,  soliq
72

---

siyosatiga  katta  o'rin  berilgan.  «Zakot to‘g‘risidagi  katta kitob»  da  esa 
o‘sha davrdagi soliq, uning turlari to‘g‘risida qimmatli fikrlar bildiriladi. 
Bu asarlami  mutaola qilar ekanmiz,  ulardan mamlakatimizning bugungi 
hayotida  ro‘y  berayotgan  iqtisodiy  islohotlami,  o‘zgarishlami  tahlil 
qilish,  qisqacha xulosalarlar chiqarish va amaliyotda foydalanish  uchun 
yangi  fikrlar,  maslahatlar  topamiz.  Ayniqsa,  iqtisodiyotga  oid,  uning 
umumiy  asoslari  bo‘lmish  ishlab  chiqarish,  shuningdek,  savdo  va 
tijoratga oid, soliq va boj to‘lovlari bilan bog‘liq bo‘lgan qarashlari bizni 
to‘lqinlantiradi.  E’tirof  etish  kerakki,  garchi  bizning  hayotimizda 
Bobuming davlatni boshqarish,  ishlab chiqarish va savdoni tashkil etish 
masalalariga  doir  alohida  asari  yoki  uning  o‘z  hukmronligi  davrida 
yurgizgan  iqtisodiy  siyosatiga  oid  birlamchi  manbalar  bo‘lmasa  ham 
ilmiy  bilish  va  idrok  etish  kuchiga  suyangan  holda  shunday  qisqacha 
xulosalarga  kelamizki,  u  buyuk  mutafakkir,  qomusiy  olim  sifatida 
iqtisodiy  qonunlaming  mohiyatini,  iqtisodiyotning  jamiyat  va  davlat 
hayotidagi  belgilovchi  ahamiyatini  chuqur  tushungan.  Shuning  uchun 
ham u dolzarb va adolatli farmonlar va hukmlar chiqarib, ilmiy jihatdan 
asoslangan  iqtisodiy  siyosat  yurgizgan,  buning  oqibati  o‘laroq  u 
hukmronlik qilgan davrda davlatda osoyishtalik, milliy totuvlik, siyosiy- 
ijtimoiy  taraqqiyot  qaror  topgan.  Shu  bois  ham  Bobur  asos  solgan 
saltanat bir necha asr davomida yashadi va tarixda o‘chmas  iz qoldirdi. 
Bobur  va  uning  vorislari  davrida  soliq  masalalari  muhim  o‘rinni 
egallagan.
Bobuming  «Mubayyin»  asari  to‘la  ravishda  qonunlar  va  iqtisodiy 
masalalarga  bag‘ishlangan.  Asaming  nomi  ham  «qonunlar  izohi» 
ma’nosiga  ega.  Butun  islom  mamlakatlaridek,  Movarounnahr  va 
Xurosonda ham «zakot» ma’lum miqdorda va muayan shart-sharoitlarda 
olinadigan  soliq  ma’nosida  qo‘llaniladi  hamda  naqd  pul  va  savdo 
yig‘imi  shaklida  to‘planadi.  Soliqni  hisoblash  uchun  soliq  olish 
obyektining  «nisobi»,  ya’ni  mol-mulkning  zakot  berishga  layoqatli 
bo‘lish  uchun  belgilangan  miqdori  aniqlanadi,  hisobdan  kam  mulkdan
73

---

soliq olinmaydi.  «Agar yerdan ikki hosil  olsang, xirojni ham ikki marta 
to‘la»,  deb yozadi Bobur.  Xiroj, ya’ni yer solig'i  ikki toifaga bo'lingan: 
muqassam va muvazzar. Birinchisi, olingan hosilning miqdoriga bog‘liq 
bo‘lib,  uchdan  birdan-yarimgacha  teng  bo‘lgan,  ikkinchi  esa,  soliq 
solinadigan  yerning  maydoniga  bog‘liq  ravishda  olingan.  Yemi 
sug‘orish masalalari  Sharqda o‘ta muhim edi, chunki ob-havo nihoyatda 
quruq va issiq,  yer-tuproq  sharoiti  sun’iy  sug‘orishni talab  etganligidan 
sug‘oriladigan yerlar, tabiiyki, lalmikor yerlardan ko‘p hosil bergan. Shu 
sababli  suv solig‘i ham bo‘lgan.  Suv solig‘i quyidagicha olingan:  «agar 
sug‘orish  davrida  chig‘ir  qursang,  olgan  hosilning  o‘ndan  birining 
yarmini  (5%)  soliq  uchun  to‘lashing  kerak»,  ya’ni  sug‘oriladigan 
yerlarga  sarf-xarajat  hisobga  olingan  va  bu  mantiqan  to‘g‘ridir. 
Umuman  olganda,  bu  davrda  soliq  va  boshqa  yig‘imlar  tamomila 
islomiy shariatga to‘la rioya qilingan holda olingan.
Nisobga  yetgan  miqdordagi  mol-mulkdan  Qur’oni  Karim, 
Muxtasar, Hidoya va boshqa manbalarda qat’iy belgilab qo‘yilgan qismi 
ixtiyoriy  ravishda  miskinlarga  berilgan,  masalan,  boqiladigan  mollar, 
ya’ni  echki,  tuya,  sigir,  otlardan,  xususan,  qo‘ylardan  soliq  (zakot) 
quyidagicha  olingan:  40  qo‘ydan  bitta  (2,5%),  120  tasidan  ikkita,  201 
dan  boshlab  uchta,  400  dan  ortiq  bo‘lsa  har  100  qo‘ydan  bittasi  zakot 
qilib berilgan.  Shuningdek,  «Bobumoma»da bir yurt tovarining boshqa 
yurtlarga  olib  borilishi,  almashuvi,  aholi  ehtiyojlarining  qondirlishi  va 
ulaming  iqtisodiyot  ravnaqidagi  ahamiyati  to‘la  bayon  qilinadi.  Bobur 
savdo-sotiqning  xalqlar  o‘rtasidagi  bebaho  ahamiyatini  juda  chuqur 
tushunar edi.
Shuning  uchun  ham  u  savdo  karvonlarini  yo‘llarda  talash, 
bosqinchilik  qilish,  mol-mulkiga  ziyon  yetkazish  kabi  salbiy  illatlarga 
ayovsiz  munosabatda  bo‘lgan.  Bu  siyosat  Amir  Temur,  Ulug‘bek  va 
boshqa  temuriylar  siyosati  bilan  ma’lum.  0 ‘sha  davrda  Bobur 
savdogarlardan  olinadigan  savdo  yig‘imining  ham  adolatli  va  xolisona 
tashkil  qilinishiga  katta  ahamiyat  bergan.  Musulmon  savdogarlarining
74

---

savdo  aylanmasidan  savdo  yig‘imi  20  misqol  (4,5  gramm)  oltindan  1 
misqoli  shaklida  olingan,  eng  muhimi  soliq  hissasi  daromad  hissasiga 
nisbatan  kamayib  borgan,  ya’ni  daromad  ko‘payishi  bilan  soliq 
kamaygan  va  boylik  jamg‘aruvchilar  uchun  o‘ta  manfaatli  bo‘lgan. 
Hozirgi  davrda  ham  mana  shu  siyosatni  qo‘llash  foydadan  xoli  emas. 
Chet  ellik  savdogarlardan  olinadigan  yig‘im  esa  ulaming  qaysi 
yurtlardan 
kelganligiga 
bog'liq 
bo‘lgan. 
Agar 
ular 
islom 
mamlakatlaridan  kelgan  bo‘lsalar,  barcha  daromadlarining  yigirmadan 
bir  qismi  (5%)  miqdorida  soliq  olingan.  Musulmon  bo‘lmagan 
mamlakatlardan  kelgan  savdogarlardan  olinadigan  soliq  miqdori  shu 
mamlakatlarda  musulmon  savdogarlaridan  olinadigan  soliq  miqdoriga 
tenglashtirilgan.  Naqadar  adolatli  va  foydali  soliq  tizimi.  Bobur  ishlab 
chiqqan  soliq  siyosati  uzoq  yillar  davomida  qo‘llanib  kelindi  va 
mamlakatning  iqtisodiy  taraqqiyotiga  ijobiy  ta’sir  etdi.  Bu  esa  Bobur 
iqtisodiy  g‘oyalarining juda  chuqur  ilmiy  asosga  suyanganligi,  uzoqni 
ko‘zlovchi  salohiyatga  ega  ekanligidan  dalolat  beradi.  Bunday  ilmiy 
salohiyat  uning  vorislari,  hamyurtlari  bo‘lgan-bizlarda  unga  nisbatan 
yanada chuqur hurmat va faxrlanish hissini uyg‘otadi.
Ulug‘  bobokalonimiz,  vatandoshimiz  qoldirgan  iqtisodiy  g'oyalar 
va  iqtisodiy  tafakkur  merosi,  u  yurgizgan  iqtisodiy  siyosat  tizimi 
mustaqilligimizni  mustahkamlashda,  bugungi  kurashimizda  qudratli 
ma’naviy  tayanch  bo‘lishga  xizmat  qiladi.  Mirzo  Bobur  iqtisodiy 
dunyoqarashini  o‘rganish,  uning  iqtisodiyotga  oid  qarashlarini  tadqiq 
etish  hamda  imkon  darajasida  bugungi  hayotimizga  tatbiq  qilish 
foydadan  xoli  emas.  Shunisi  diqqatga  sazovorki,  Bobur  podshohligi 
davrida  mamlakatga  vino  keltirish  taqiqlangan,  ya’ni  iqtisodiyotda 
proteksionizm  siyosati  qo‘llanilgan.  Boburdan  keyin  uning  o‘g‘li 
Xumoyun,  keyinchalik  nevarasi  Akbarshoh  Jaloliddin  (1542-1605) 
1556-1605-yillari  Hindistonda  muvaffaqiyatli  podshohlik  qilgan. 
Akbarshoh  tomonidan  1574-yildan  boshlab  islohotlar  o‘tkazdi, 
dehqonlarga  yagona  soliq  kiritdi,  yagona  uzunlik  va  og‘irlik
75

---

o‘lchovlarini  joriy  qildi.  Bu  shoh  to‘g‘risida  1601-yil  «Akbamoma» 
kitobi chop etildi, unda mamlakatdagi soliq tartibi o‘z aksini topgan.
1994-yilda  Toshkentda  bosilgan  «Shoh  Akbar  va  Dono  Birbal» 
nomli  to‘plamda  ko‘rsatilishicha  XVI  asming  ikkinchi  yarmi  va  XVII 
asming  boshlarida  Hindistonda  hukmronlik  qilgan  Akbarshoh  bobosi 
Bobur  an’analarini  izchil  davom  ettirib,  hindlar  bilan  musulmonlar 
o‘rtasida  birodarlik  munosabatlarini  o‘matish  yo‘lida  jonbozlik 
ko‘rsatgan. Akbarshoh boshqargan davlatda Birbal nufuzli  amaldor edi. 
Akbar bu dono va zukko hind amaldoriga alohida mehr bilan qarab, uni 
har tomonlama e’zozlagan.
Birbal  ham  Akbarshohning  odilona  siyosatini  amalga  oshirish 
sohasida  sidqidillik  bilan  xizmat  qilgan.  Akbar  va  Birbalning  o‘zaro 
suhbatlarida izhor etilgan har ikki tarixiy shaxsning iqtisodiy qarashlari 
alohida  diqqatga  sazovordir.  Unda  insonlardagi  halollik  va  insof bilan 
birga  ayrim  amaldorlaming  vijdonsizliklari  iqtisodiy  tomondan  tahlil 
qilinadi,  feodalizm  sharoitida  murakkab  iqtisodiy  muammolaming 
yechimini  topishga  harakat  qilinadi.  «Podshohning  besh  savoli» 
hikoyasida  Birbalning  chuqur  iqtisodiy  tafakkurga  ega  ekanligi 
namoyon bo‘ladi. «Ulug‘ ma’bud Indiradir»,- deb so‘z boshlaydi u.
Uning amri  bilan yomg‘ir yerni  sug'oradi,  bug‘doy unadi,  odamlar 
to‘kin va to‘q yashaydilar. Buzoqlar qadr-qimmatlidir, u odamlarga ko‘p 
foyda  keltiradi.  Eng  qimmatli  gul  -paxtaning  guli.  Undan  mato 
to‘qiydilar.  U  butun  olam  odamlarini  kiyintiradi.  Omochning  tishidan 
ulug‘  tish  yo‘q.  Chunki  u  yer  bag‘rini  yoradi,  shundan  keyin  don  va 
sabzavot ekiladi, odamlami to'ydiradi. Ulug‘ fazilat esa jasoratdir.
Agar  inson  jasoratsiz  bo‘Isa,  uning  fazilatlaridan  foyda  yo‘qdir. 
Jasorat bu mehnat.  Inson hayotida faqat ziroat ekinlarini yetishtirishdagi 
mehnatgina emas,  balki  hunarmandlar mehnati ham alohida ahamiyatga 
ega.  Bu  borada  «Inson  qo‘li  gul»  hikoyasi  yanada  qiziqarlidir.  Birbal 
bog‘bonni  chaqirtiribdi  va buyuribdi:  -ertaga  bog‘  va gulzorlardagi  eng
76

---

chiroyli  va  yaxshi  gul  bilan  о ‘zing  yetishtirgan  mevalardan  olib, 
shohning huzuriga borasan.
Shoh  bog‘bondan  meva  va  gullaming  narxini  so‘raganda,  u:  - 
Olampanoh!  Biz  bu  mo‘jizalami  bunyod  qilish  uchun  ko‘p  vaqt 
sarfladik.  Xullas,  bu  noyob  narsalar  uchun  ming  rupiy  so‘raymiz. 
Podsho  ming  rupiy  beribdi.  Bu  bahoga  yakun  yasab,  Birbal 
quyidagilami  aytibdi:  «Siz  yaqinda  tabiat  yaratgan  narsalarning  inson 
qo‘li  bilan  yaratilganidan  yaxshi  va  qimmatli  ekanini  aytgan  edingiz, 
men sizga insonning qo‘li gul ekanini, uning iqtidori yaratgan mo'jizalar 
tabiatnikidan  go‘zal  bo‘lishi  mumkinligini  isbotlashga  va’da  bergan 
edim.  Bugun  mening  niyatim  amalga  oshdi:  Siz  mirishkor  bog‘bon 
yaratgan  mevalar  va  gullar  uchun  ming  rupiy  to‘ladingiz,  ammo 
tabiiylariga  atigi  yigirma  besh  rupiy  berdingiz».  «Mehnatni  qadrlash 
hayotni  saqlar»  hikoyasida  insho  etilishicha,  shoh  Akbar  bilan  Birbal 
yoshlik  davrlami  eslab,  eski  uylariga borishibdi.  Yaxshi  niyat bilan bir 
paytlar  sada  daraxtining  tagiga  xazina  yashirishgan  ekan.  Kavlashsa, 
yerga  ko‘milgan  oltin  qanday  bo‘lsa  shundayligicha  turganmish. 
Boylikni  olishib,  yo‘llarida  davom  etisharkan,  ko‘zlari  eski  uylariga 
tutash  bir kulbada  o‘sha paytlarda  yashagan  munkillagan  bir  kampirga 
tushibdi.  Kampir  shu  kungacha  kunni  kun  demay  odamlarga  qo‘l 
tegirmonida  donni  yanchib  berarkan.  Ko‘rinishi  ham  o‘zgarmabdi. 
Awalgidek qo‘l tegirmonni aylantirib yotganmish.  So‘ng ular kampirga 
rahmi kelib, bundan keyin rohatda yashang deb, ko‘mgan boyliklarining 
hammasini  in’om qilishibdi.  Kampiming qarilik yillari  rohat-farog‘otda 
o‘tadigan bo‘libdi. Keyinchalik ma’lum bo'lishicha,  shoh Akbar yoshlik 
davrida  kampir  160  yoshda  ekan,  shu  davrdan  beri  50  yil  o‘tibdi. 
Shundan keyin Birbal mehnatni ardoqlash uzoq umr ko‘rish shartlaridan 
biri  ekanligi  haqidagi  qisqacha  xulosalarga  kelibdi.  Hikoyalaming 
ba’zilari 
o‘sha 
davrdagi  tovar-pul 
munosabatlari 
masalalariga 
bag‘ishlangan.  «Firibgar  kema  egasi»  hikoyasiga  ko‘ra  Birbal 
Hindistonning Bengal viloyatidan kemada mol olib kelgan savdogaming
77

---

shikoyatini  eshitib,  kema  egasi  besh  ming rupiylik  molni  o‘ziniki  qilib 
olmoqchi  bo‘lganini  tekshiradi  va  unga  quyidagi  savollami  beradi. 
«Agar  mevalar,  ziravorlar  haqiqatan  seniki  boisa,  ularni  zarariga 
sotishga  rozi  bo‘larmiding?»  Kema  egasi  dengizchiiami  ham  yo‘ldan 
urganligini  isbotlaydi.  Savdogarga  pul  qaytarib  beriladi  va  adolat 
tiklanadi.
«Tentaklar  ro‘yxati»  hikosida  shoh  Akbaming  zotli  otlami  sotib 
olgani,  otlar  unga  juda  yoqib  qolgani,  yana  shunday  otlar  keltirishni 
buyurib,  1000  rupiy  garov  puli  bergani  hikoya  qilinadi.  Lekin  shoh 
Akbar  shuncha  pul  berib,  savdogami  qaysi  yurtdan,  qaysi  shahardan 
ekanligini  so‘ramagan,  savdoda xatoga yo‘l  qo‘ygan  edi.  Savdogar esa 
muttahamlik  qilib,  qaytib  kelmagan.  Shunda  Birbal  tovar-pul 
munosabatlaridagi  bu  kamchilikni  aytib  o‘tadi.  Savdolashganda  xorij 
savdogar  sotib  olgan  mol  qaysi  yurtdan,  qaysi  shahardan  ekanini, 
savdogaming  nomini  so‘rash  lozimligini  ta’kidlaydi.  «Hozir  nima 
harakatda»  hikoyasida  ayonlardan  biri  quyosh,  ikkinchisi  er,  yana  biri 
oy,  deb  javob  bergani  bayon  etiladi.  Lekin  shoh  Akbar  javoblarga 
qanoatlanmaydi.
Birbal  quyidagi  javobni  beradi:  «Hozir,  -  deydi  Birbal,  sudxo‘r 
qarzga bergan pullaming foydasi harakatda.  Axir bu pullar hech qachon 
tinch yotmaydi. Aksincha, kundan kunga tezligi oshib boradi». Bu javob 
shoh Akbarga ma’qul tushadi, chunki Hindistonda qarzga olingan pullar 
qanchalik  qo‘shimcha  foyda  bilan  qaytarilib,  dehqonlami  xonavayron 
qilishi  hammaga  ma’lum  edi.  Bu  yerda  gap  kapital  aylanishi  va  foiz 
stavkasi  bilan  bog'liq  voqea  haqida  borayapti.  Dehqonlar  olgan 
qarzlarini  yuqori  foizlarda  qaytarishi  salbiy  hodisa  sifatida  qoralanadi. 
Demak,  hozirgi  davrdagi  adolatli  kredit  masalalari  yoritiladi.  Birbal 
yashagan davrda hali  statistika fani  vujudga kelmagan  edi.  Lekin hayot 
statistik jumboqlami  keltirib  chiqarar  edi.  Kunlardan  bir  kun  podshoh 
saroy yig‘inida har bir mulozimidan:  - Dehlida nechta qarg‘a bor? - deb 
so‘rab  qoladi.  Hech  kim  javob  bera  olmaydi.  Birbal  shunday  javob
78

---

beribdi:  - 0 ‘tgan yili  men liisob-kitob qilib,  Dehlida uch ming  besh yuz 
sakson beshta qarg‘a borligini aniqlagan edim. Shoh Akbar shubhalanib, 
o‘tgan yili qaysi oyda hisob qilgan eding? - deb savol beribdi va qo‘shib 
qo‘yibdi:  -  agar  Dehlidagi  qarg‘alaming  soni  bittaga  ko‘p  yoki  kam 
chiqsa uch ming  besh yuz  sakson besh rupiy jarima to‘laysan.  Shuning 
uchun  kechgacha o‘ylab,  menga  aniq javob ber,  -  debdi  shoh.  -Mening 
hisobim  to‘ppa-to‘g‘ri,  qat’iyat  bilan  gapiribdi  Birbal,  -  «qayta 
sanaganda  ham  shu  sonning  chiqishiga  aminman,  faqat  ayrim 
qarg‘alaming  qayergadir mehmonga  uchib  ketishi  va  boshqalaming  bu 
yerga uchib kelishi mumkin ekanligini nazarda tutsak bas».  Bu javobda 
Birbal  birinchidan,  Dehlidagi  barcha  qarg‘alami  sanab  bo‘lmasligini 
ko‘zda tutgan,  shu bilan birga qarg‘alar ko‘payib, yozda sovuq joylarga 
uchib  ketishini  esdan  chiqarmagan.  Bu  misol  Birbalda  statistikaning 
dastlabki kurtaklari mavjudligidan dalolat beradi.
«Haqiqat  qo‘ng‘irog‘i»  hikoyasida  shoh  Akbaming  juda  adolatli 
hukmdor ekanligi o‘z ifodasini topgan. Xalqning mushkulini oson qilish 
maqsadida, u shahardagi maydonga bitta ustun o'matib, qo‘ng‘iroq osib 
qo‘yishni  buyuribdi.  Saroygacha  uzun  arqon  torttirib,  bu  yerga  ham 
qo‘ng‘iroq  ostiribdi.  Maydondagi  arqon  tortilsa,  saroydagi  qo‘ng‘iroq 
ham jaranglar  ekan.  Saratonning jazirama  kunlaridan  birida qo‘ng‘iroq 
jaranglab  qolibdi.  Ho‘kiz  qo‘ng‘iroq  ipini  tortgan  ekan.  Ho‘kiz- 
ho‘kizda.  U  gapirarmidi,  shoh  qarshisida  mo‘ltillab  turganmish,  xolos. 
Shoh  Birbalga  «Ho‘kizning  arzi  bor,  dardini  bilib,  menga  xabar  ber», 
debdi.  Birbal  ho‘kizning  yelkasini  silab,  uning  ko‘zlariga  tikilibdi. 
Keyin  shohga  xo'kizning  dilidagi  qarzini  quyidagicha  taijima  qilib 
beribdi:  «Men  qaridim,  ish  qilishga  kuchim  yetmay  qoldi.  Quvvatim 
borligida xo'jayinim meni erkalardi, yem bilan siylardi.
Endi  bo‘lsa  ko‘chaga  haydadi,  qarib  holdan  toygan  bir  paytda 
qayerdan  ham  panoh  topaman,-deyapti»,  debdi.  «Ho‘kizning  egasi 
topilganidan  keyin  Birbal  savol  beribdi:  -Nega  bog‘lab  qo'ymadingiz? 
Savdogar  javob  beribdi:  -Janob  vazir,  u  menga  endi  kerak  emas.
79

---

Shuncha  yil  davomida  qilgan  xizmati  bilan  to‘lagan  haqini  tiyin- 
tiyinigacha oqladi. -Vaqti-soati kelib sen ham qariysan va ishga yaramay 
qolasan. Farzandlaring seni uydan haydab chiqaradi. Aytchi, ulaming bu 
ishi adolatdan bo‘ladimi?-deb so‘rabdi Birbal.  - 0 ‘z otasini qanday qilib 
haydashsin? - ajablanibdi savdogar.
Bir  eslab  ko‘rchi,  bu jonivor  senga  qanchalar  xizmat  qildi.  Nahot 
qilgan  andishasizligingdan  vijdoning  azoblanmasa.  Bu  tilsiz  maxluq 
butun  quwatini  senga  sadoqat  bilan  xizmat  qilishga  sarflasayu,  sen 
uning  yaxshiligiga  shunday  javob  qaytarsang.  Unga  hozir  ham 
achinmayapsan.  Xullas,  bu  ho‘kizni  shoh  molxonasiga  qo‘yib 
yuboramiz.  Uni  boqish  uchun  sen  har  oyda  besh  rupiy  haq  to‘laysan. 
Savdogar  pulni  to‘laydigan  bo‘libdi.  Bu  hikoya  o‘z  davrida  va  undan 
keyin  ham  katta  tarbiyaviy  ahamiyatga  ega  bo‘lgan.  Xizmatkorlami 
ishlatib,  haqini  to‘lamaganlarga  tegishli  fikr  ilgari  suriladi  va  ularga 
insofli bo‘lish kerakligi to‘g‘risida qisqacha xulosalar chiqariladi.