Toshkent moliya instituti moliyaviy menejment

II BOB MARKAZDA TADBIRKORLIK FAOLIYATINI RIVOJLANTIRUVCHI TASHKILIY-IQTISODIY OMILLAR TAHLILI

1. 
   “SSP Marg‘ilon biznesga ko‘maklashish markazi” tarkibidagi tadbirkorlik subyektlarining moliyaviy-iqtisodiy barqarorligi holati
   

O‘zbekiston Respublika savdo-sanoat Palatasi O‘zbekiston Respublikasi Prezidentining 07.07.2004 yil N PF-3453 sonli farmoni, O‘zbekiston savdo- sanoat palatasi O‘zR OM 03.12.2004 yil 713-II-sonli Qarori, hamda O‘zbekiston Respublikasining 03.12.2014 yil dagi N 712 II -sonli O‘zbekiston savdo-sanoat palatasi to‘g‘risidagi Qonunga muvofiq, xususiy tadbirkorlikni yanada rivojlantirish, biznes-muhitni takomillashtirish, respublika tadbirkorlarining xorijiy sheriklar bilan ishbilarmonlik aloqalarini mustahkamlash, mahalliy tovarlar va xizmatlarni tashqi bozorlarga olib chiqish, tayyor raqobatbardosh mahsulotlar ishlab chiqarilishini ta’minlash uchun yangi korxonalarni tashkil etish, mavjud ishlab chiqarishlarni texnik qayta jihozlash va zamonaviylashtirish uchun respublikaga chet el sarmoyasini keng jalb etish maqsadida tashkil etilgan.

Tadqiqotimiz obyekti bo‘lgan Savdo-sanoat palatasi Farg‘ona viloyat xududiy boshqarmasi Marg‘ilon shahar “SSP Marg‘ilon biznesga ko‘maklashish markazi” tarkibida faoliyat yuritayotgan kichik biznes va xususiy tadbirkorlik subyektlari faoliyatini rivojlantirishda, albatta, ular faoliyati moliyaviy-iqtisodiy barqarorligini tahlil qilish va ular faoliyati davomida yuzaga kelayotgan muammolarni bartaraf etish yuzasidan xulosalarni shakllantirish maqsadga muvofiqdir. Ularning rivojlanishi avvalambor, korxonaning moliyaviy resurslar bilan ta’minlanganlik holatiga bog‘liqdir. Hozirgi kunda markaz tarkibida faoliyat yuritayotgan tadbirkorlik subyektlari faoliyatini tashkil qilish va ularni rivojlantirishda moliyaviy mablag‘ masalasi murakkab holatdadir. Ayniqsa, o‘z mablag‘lari etishmasligi ko‘pgina korxonalarda dolzarb muammoligicha qolmoqda va chetdan jalb qilinadigan mablag‘larga muhtojligi sezilmoqda. Shuni hisobga olgan holda, hukumatimiz tomonidan tadbirkorlik subyektlari faoliyatini moliyaviy rag‘batlantirish maqsadida tijorat banklari tomonidan imtiyozli kreditlar berilishi
ko‘zda tutilgan.
Tadbirkorlik subyektlari moliyaviy faoliyati tushunchasini tor va keng ma’noda talqin etish mumkin. Tor ma’noda ular moliyaviy faoliyati alohida olingan kichik korxona, xususiy firma yoki tadbirkorlikning boshqa shakllari moliyaviy faoliyatidan iboratdir. Bu tushuncha o‘z navbatida, “kichik biznes korxonalari moliyaviy faoliyati”, “kichik korxonalar moliyaviy faoliyati”, “xususiy firmalar moliyaviy faoliyati” kabi tushunchalar bilan bir xil mazmunni ifodalaydi. Keng ma’noda esa tadbirkorlik subyektlari moliyaviy faoliyati tushunchasi ijtimoiy takror ishlab chiqarishning mazkur sohasida faoliyat ko‘rsatayotgan, korxonalarning moliyaviy faoliyatini ifodalaydi.
Bugungi kunda O‘zbekiston Savdo –sanoat Palatasi Farg‘ona viloyat xududiy boshkarmasi Margilon shaxar “SSP Marg‘ilon biznesga ko‘maklashish markazi” tarkibiga 239 ta tadbirkorlik subyektlari jalb etilgan.(1-jadval).

1.