Toshkent moliya instituti moliyaviy menejment

-jadval

Jahon moliyaviy iqtisodiy inqirozi jarayonida rivojlangan mamlakatlarda kichik va o‘rta biznesni qo‘llab-quvvatlash yuzasidan amalga oshirilgan chora-tadbirlar tavsifi³⁰

Mamlakat- lar	Kichik va o‘rta biznesni qo‘llab-quvvatlashga yo‘naltirilgan choralar
Germaniya	Asosan kichik va o‘rta biznes korxonalarini kreditlashga ixtisoslashgan IKB Deutsche Industriebankning moliyaviy inqirozdan ko‘rgan zararini qoplash maqsadida davlat tomonidan 10 mlrd. evro, KfW davlat banki va tijorat banklari tomonidan 3,5 mlrd. evro miqdorida moliyaviy yordam ko‘rsatildi. KfW davlat banki orqali kichik va o‘rta biznesga, shuningdek, yangi avtomobillarni harid qilish chog‘ida soliq imtiyozi berish, infratuzilma va qurilish loyihalarini moliyalashtirishga 50 mlrd. evro ajratildi.
Ispaniya	Kichik va o‘rta biznesga kreditlar bo‘yicha umumiy so‘mmasi 3,4 mlrd. dollarni tashkil etuvchi Kafolatlar Dasturi qabul qilindi. Ispaniya hukumati kichik va o‘rta tadbirkorlarning aylanma mablag‘lar bilan to‘ldirish uchun 140 mlrd. for.miqdorida imtiyozli (yillik 11% stavkada) kredit ajratishni e’lon qildi. Bir tadbirkor uchun beriladigan kreditning yuqori miqdori - 200 mln. for.ga teng bo‘ldi.
Italiya	Kichik va o‘rta biznesni, infratuzilma va banklarning likvidligini qo‘llab-quvvatlash, shuningdek, inqiroz sharoitida oilalarga yordam ko‘rsatish maqsadida 80 mlrd. evro qiymatidagi dastur qabul qilindi.
Chexiya	Milliy iqtisodiyotni rag‘batlantirishga qaratilgan 2,44 mlrd.evro qiymatidagi dastur soliqlarni pasaytirish, infratuzilma va ekologiyaga investitsiyalar kiritish, shuningdek, avtomobil ishlab chiqaruvchilar va kichik biznesga kreditlar berishni nazarda tutadi.
Norvegiya	Umumiy qiymati 20 mlrd. kron (3 mlrd. doll.)dan iborat dasturning 500 mln. doll. biznesga soliq imtiyozlari berishga, yana 1,5 mlrd. doll. - infratuzilma va mintaqaviy rivojlanishga, qolgan qismi yo‘l qurilishi, energiya ta’minoti texnologiyasini rivojlantirish va tatbiq etishga yo‘naltirilgan.
Buyuk Britaniya	Kichik kompaniyalar, past xaq to‘lanuvchi xodimlar va uy xo‘jaliklariga yordam berish uchun soliq imtiyozlari va sarflarini o‘z ichiga olgan 20 mlrd. funt sterling qiymatidagi chora-tadbirlar majmui ishlab chiqilgan.
Janubiy Koreya	Inqirozidan zarar ko‘rgan kichik va o‘rta kompaniyalarga 37 mlrd. doll. hajmida kredit kafolatlari berish to‘g‘risidagi reja ma’qullandi (2009 yil 11 fevral).
Yaponiya	Yaponiya hukumati iqtisodiyotdagi ahvolni barqarorlashtirish uchun qiymati 54 mlrd. doll. bo‘lgan yangi dasturni qabul qilgan. Ushbu mablag‘ kichik biznesga kredit berish hamda ishdan bo‘shatilganlarga nafaqa uchun mo‘ljallangan. Hukumat 2009 yil 27 yanvarda barcha ishlovchi yaponlarning 70% ini qamrab olgan kichik va o‘rta biznesni qo‘llab-quvvatlash uchun 16,7 mlrd. doll. ajratishga qaror qildi.
Xitoy	Kichik va o‘rta biznes uchun soliqlar pasaytirildi va tijorat banklari tomonidan kredit berishdagi cheklovlar bekor qilindi.

³⁰ Гайдара Е.Т Финансовый кризис в России и в мире / Под ред... -М.: Проспект, 2009, 191-224 с.