Toshkent moliya instituti m. Y. Raximov, N. N. Kalandarova moliyaviy tahlil

Modellar va ularning tuzilishi

Balans	Modellar
Buxgalteriya balansi	Aktivlar	Kapital	Majburiyat
A=K+M	A=K+M	K=A-M	M=A-K
Tovar balansi	Tovarlarning davr boshiga qoldig‘i	Tovarlarning davr oxiriga qoldig‘i	Tovarlarning sotilgan qismi
Tb+Ti/ch+Tbk=To+Ts+Tbch	Tb=(To+Ts+Tbch)-(Ti/ch+Tbk)	To= (Tb+Ti/ch+Tbk)-(Ts+Tbch)	Ts=(Tb+Ti/ch+Tbk)-(To+Tbch)
	Tovarlarning ishlab chiqarilgan qismi	Tovarlarning boshqa kirimi	Tovarlarning boshqa chiqimi
	Ti/ch=(To+Ts+Tbch)-(Tb+Tbk)	Tbk=(To+Ts+Tbch)-(Tb+Ti/ch)	Tbch=(Tb+Ti/ch+Tbk)-(To+Ts)
Valyuta balansi	Valyuta mablag‘larini kirimi	Valyuta mablag‘larini chiqimi	Valyuta mablag‘larini davr oxiriga qoldig‘i
Vb+Vk = Vo+Vch	Vk = (Vo+Vch) - Vb	Vch = (Vb+Vk) - Vo	Vo = (Vb+Vk) - Vch

Indeks usuli.

Indeks so‘zi lotincha “Index” atamasidan olingan bo‘lib belgi, ko‘rsatkich degan ma’noni bildiradi. Har qanday ko‘rsatkich ham indeks ma’nosida bir xilda ishlatilmaydi. Tahlilda, statistikada indeks deganda – bevosita qo‘shib bo‘lmaydigan bo‘laklardan tashkil topgan ikki to‘plamni taqqoslash tushuniladi.

Tahlilda shunday hodisalar uchraydiki, ularga mumkin bo‘lmagan sharoitda umumlashtirib baho berish zaruriyati tug‘iladi. Bu kabi muammolarni yechish uchun tahlilda mahsulot hajmi indeksi, baho, tannarx, mehnat unumdorligi va boshqa indekslar hisoblanadi.

Indekslar to‘plam birliklarini qamrab olishiga qarab individual va umumiy indekslarga bo‘linadi. Individual indekslar to‘plamning ayrim elementlarining o‘zgarishini ta’riflaydi. Taqqoslanish asosiga qarab indekslar bazisli va zanjirsimon indekslarga bo‘linadi. Baza o‘rnida qabul qilingan miqdor bilan qolganlari taqqoslansa bu indekslar bazisli, o‘zidan oldingi davr bilan taqqoslansa zanjirsimon indekslar deyiladi.

Indekslashtirilayotgan miqdorlarning xarakteri va mazmuniga qarab indekslar miqdor (fizik hajm) va sifat ko‘rsatkichlari indekslariga bo‘linadi.

Indeks usulida hodisaning miqdori (fizik hajmi) – q; narxlar – r; tannarx – s; unumdorlik - w harflar bilan belgilanadi. Joriy davr ko‘rsatkichi “1” satr osti ishorachasi, o‘tgan davr esa “0” bilan ifodalanadi. “i” va “I” lar individual va umumiy indekslarni ifodalaydi, “S” – yig‘indini bildiradi.

Individual indekslar quyidagicha ifodalanadi:

Mahsulot fizik hajmi individual indeksi (i_q):

i_q=q₁/q₀

Bu yerda: q₁ va q₀ – joriy va o‘tgan davrlarda ishlab chiqarilgan mahsulotning fizik hajmi. Bu indeks yuqorida ta’kidlaganimizdek, mahsulot fizik hajmini vaqt, hudud va obyektlar bo‘yicha faqatgina bitta mahsulot uchun o‘zgarishini ifodalaydi.

Baho individual indeksi (i_r):

i_r=r₁/r₀

Bu yerda: p₁ va p₀ – joriy va o‘tgan davrlarda mahsulot bir birligini bahosi (narxi).

Tannarx individual indeksi (i_z):

i_z=z₁/z₀

Bu yerda: z₁ va z₀ – joriy va o‘tgan davrlarda mahsulot birligini tannarxi.

Umumiy indekslar agregat va o‘rtacha shakllarda bo‘ladi. Agregat indekslar deb, maxsus taqqoslagichlar (vazn) yordamida joriy va o‘tgan davrlar uchun hisoblangan to‘plamlarni o‘zaro taqqoslashga aytiladi.

Agregat shakldagi indeksni ham quyidagicha formula ko‘rinishida yozish mumkin.

Bu indeks mahsulot (yoki tovar oboroti) hajmining umumiy indeksidir. Bu yerda q₁p₁ va q₀p₀ joriy va bazis davrlardagi mahsulot qiymati.

Ko‘rinib turibdiki, bu indeks mahsulot fizik hajmini emas, uni qiymatining o‘zgarishini xarakterlamoqda, ya’ni baho o‘zgarsa, qiymat ham o‘zgaraveradi.

Fizik hajmi indeksini tuzishda vazn sifatida o‘tgan davr baholari olinsa, formulani quyidagicha yozish mumkin.

Bu yerda: Sq₁p₀ – joriy davrdagi mahsulotning qiymati (o‘tgan davr bahosida); Sq₀p₀ – bazis davridagi mahsulotning qiymati.

Umumiy indekslarni agregat shaklda hisoblash uchun indekslashtirilayotgan belgi va uning vaznlari haqida har bir mahsulot va davrlar bo‘yicha alohida ma’lumotlar mavjud bo‘lishi shart.

Indekslar yordamida nafaqat miqdor ko‘rsatkichlari, balki sifat ko‘rsatkichlari ham o‘rganiladi. Ularga baho, tannarx, hosildorlik, mehnat unumdorligi, rentabellik darajasi va boshqalar kiritiladi.

Agarda o‘rganilayotgan qatorning hadlari baza sifatida qabul qilingan bitta had bilan taqqoslansa, bunday indekslar bazisli indekslar, agarda har bir had o‘zidan oldin keladigan had bilan taqqoslansa unday indekslar zanjirsimon indekslar deb yuritiladi.

1.14-jadval