Toshkent moliya instituti hamdamov baxrom kasimovich ilxomov shavkat islomovich

Majburiy tekshiruv.
Auditorlik va buxgalterlik ishlari boshqa 
teng auditorlik firmasi tomonidan tekshirib turilishi kerak. 
Kelishmovchiliklarni ma’lum qilish.
Auditor doimo audit 
qo‘mitasiga yoki direktorlar kengashiga ma’muriyat bilan bo‘lgan 
kelishmovchiliklarni bildirib turishi kerak.
Yuqorida keltirilgan fikirlarni umumlashtirib quyidagicha hulosa 
qilish mumkin. Rivojlangan mamlakatlardagi moliyaviy nazorat tizimini 
tahlil qilish asosida O‘zbekiston iqtisodining o‘ziga xos rivojlanish 
usullarini inobatga olib, auditning mohiyati, xususiyatlari va amal qilish 
sohasini belgilashga harakat qilindi va bu infratuzilmaningtashkiliy 
asoslari ko‘rsatildi. 
Mohiyati jihatdan audit mustaqil nazorat shakli ekanligini hisobga 
olsak, bu faoliyatning sifat nazorati masalasi vujudga keladi. Tahlil
natijalari shuni ko‘rsatadiki: birinchidan, auditorlik subyektlari umumiy 
qabul qilingan audit standartlariga rioya qilinayotganini kafolatlashi 
kerak; ikkinchidan, sifat nazorati har bir audit uchun va butun auditorlik 
firmasiga joriy qilinishi kerak; uchinchidan, qanday muolajalar qo‘llash 
kerakligi firmaning hajmidan kelib chiqadi; to‘rtinchidan, auditorlik 
firmalari tizimida o‘z-o‘zini nazorat qilish mexanizmi yaratilishi kerak, 
shu sababli firma o‘z siyosati va muolajalarini ishlab chiqishi uchun 
umumiy 
sifat 
nazorat 
elementlarini 
yaratishi 
zarur 
bo‘ladi. 
Yuqoridagilarni inobatga olib, sifat nazoratining to‘qqizta elementi taklif 
qilindi. Har bir element uchun qisqa talablar ishlab chiqildi va bu 
talablarga rioya qilish uchun namunaviy muolajalar keltirildi. 
Auditorlik subyektlarining ish faoliyatini yaxshilash va sifat 
nazorati standartlariga to‘la amal qilinishini ta’minlash uchun ularni 
toifalarga ajratish lozim. Keltirilgan muammolar bozor iqtisodi 
sharoitida mulkchilikning turli xil shakllari mavjud bo‘lgan holatda 
nazoratni to‘g‘ri tashkil qilish uchun o‘z yechimini topishi, keltirilgan 
takliflarga amal qilinishi esa bu yechimni hal qilishda muhim omil 
bo‘ladi, deb o‘ylaymiz.