Toshkent moliya instituti “Biznes moliyasi” fani Mavzu: Startaplarni moliyalashtirish

Startaplarni qo‘llab-quvvatlash
Innovatsion rivojlanish vazirligi tomonidan 2019-2021 yillarda jami 90 ta startap loyiha tanlov asosida moliyalashtirilgan. Shulardan, sog‘liqni saqlash sohasida 18,7 mlrd so‘mlik 20 ta, axborot texnologiyalar sohasida 14,5 mlrd so‘mlik 18 ta, qishloq xo‘jaligi sohasida 14,1 mlrd so‘mlik 22 ta, transportva energetika sohasida 9,6 mlrd so‘mlik 11 ta, qurilish sohasida 4,5 mlrd so‘mlik 7 ta, oziq-ovqat sohasida 3,3 mlrd co‘mlik 5 ta, mashinasozlik, ta’lim va boshqa sohalarda 5,6 mlrd so‘mlik 12 ta startap loyihalar umumiy qiymati 70,3 mlrd so‘mni tashkil etadi. Ushbu startap loyihalar amalga oshirilishi natijasida 674 ta yangi ish o‘rinlari yaratilib, eksportbob va import o‘rnini bosuvchi mahsulotlar ishlab chiqarilmoqda.
Muvaffaqqiyatli startaplarga misollar
Startap loyihalarning har biri yangi turdagi mahsulot, dastur yoki xizmat ko‘rsatish sohasini o‘z ichiga oladi. Turizm sohasida “O‘zbekiston turistik shaharlarining 3D va VR BOX modellarini yaratish”, “NazzaAR” startap loyihalari muvaqqiyatli amalga oshirilmoqda. Tibbiyot sohasida “LiPach” teri parvarishi uchun gigienik-kosmetik vosita klinik oldi tekshiruvlardan muvaffaqiyatli o‘tdi, “Bioferron” biologik faol qo‘shimchasi, implantatsiya qilinadigan yuqori texnologiyali tibbiy asbob-uskunalarni innovatsion ishlab chiqarish yo‘lga qo‘yilmoqda. Qishloq ho‘jaligi sohasida agrolotok, ko‘chatlarni "in-vitro" usulida ko‘paytirish laboratoriyasi tashkil etilmoqda. Oziq-ovqat sohasida olma kukunidan qandolatchilikda keng foydalaniladigan pektin ishlab chiqaruvchi “Onsite” MChJ tashkil etildi. Yana bir istiqbolli loyiha biologik maxsulotlarni quritish mexanizmini takomillashtiruvchi elektromagnit parchalovchi qurilma tizimi ishlab chiqilmoqda. Mazkur tizim mahsulotning yakuniy tonnarxiga katta ta’sir qiluvchi yakuniy bosqichda energiya sarfinin qariyb 4-6 baravargacha qisqartirish imkonini beradi.
E’tiboringiz uchun rahmat!