Toshkent moliya instituti amanov a. M

O‘ZBEKISTON RESPUBLIKASI OLIY VA O‘RTA
MAXSUS TA’LIM VAZIRLIGI

TOSHKENT MOLIYA INSTITUTI

AMANOV A.M

JISMONIY SHAXSLARNI SOLIQQA TORTISH
fanidan kurs ishlarini bajarish yuzasidan

USLUBIY KO‘RSATMALAR

Oliy ta’limning 5230800 – “Soliqlar va soliqqa tortish” bakalavriat yo‘nalishi talabalari uchun

TOSHKENT – 2022

Tuzuvchi: Amanov A.M. Jismoniy shaxslarni soliqqa tortish fanidan kurs ishlarini bajarish yuzasidan (Oliy ta’limning 5230800 – “Soliqlar va soliqqa tortish” bakalavriat Sirtqi ta’lim yo‘nalishi talabalari uchun). – T.: TMI, 2021. – 78 bet.
Mazkur uslubiy ko‘rsatmalar O‘zbekiston Respublikasining “Ta’lim to‘g‘risida”gi Qonuni va Kadrlar tayyorlash milliy dasturi talablari asosida Oliy va o‘rta maxsus ta’lim vazirligi tomonidan tasdiqlangan “Jismoniy shaxslarni soliqqa tortish” fani o‘quv dasturi asosida yozilgan.
Ushbu uslubiy ko‘rsatmada keltirilgan kurs ishi mavzulari O‘zbekiston Respublikasida amalga oshirilayotgan iqtisodiy islohotlarning hozirgi bosqichida jismoniy shaxslardan undiriladigan soliqlarning o‘ziga xos xususiyatlari, ularni hisoblash, byudjetga undirish tartiblari, ularni soliq tizimida tutgan o‘rni, davlat byudjetida tutgan o‘rni, jismoniy shaxslarni soliqqa tortish uslubiyatini takomillashtirish masalalari, jismoniy shaxslarni soliqqa tortish bilan bog‘liq dolzarb muammolarga bag‘ishlangan.
Uslubiy ko‘rsatmalar “Jismoniy shaxslarni soliqqa tortish” fani bo‘yicha kurs ishi mavzulari namunalarini, talabalar uchun kurs ishini bajarishga oid tavsiyalarni, kurs ishini himoya etish tartibi, kurs ishiga rahbarlik qilish va uni baholash yuzasidan vazifalarni hamda tavsiya etilgan adabiyotlar ro‘yxatini o‘z ichiga olgan.
Mazkur uslubiy ko‘rsatma Toshkent moliya instituti Uslubiy kengashi majlisida muhokama qilingan va nashrga tavsiya etilgan. __ yanvar
2022 yil № _/_-sonli majlis bayoni.