Тошкент кимё –технология институти силикат материаллари ва нодир, камёб металлар технологияси кафедраси

Хром электролизи. Табиатда минерал хромит FeO·Cr₂O₃ ёки феррохром ҳолида учрайди. Саноатда хромли рудани кўмир ва кремний билан қиздириб оддий қайтариш йўли билан ва тоза хромни (98%) эса алюминий ва кремнийда қайтариш йўли билан олинади. Хромни уч валентли тузи эритмасидан худди марганец каби электроэкстракция қилиб олинади. Бунда катодда электроманфий потенциалларда қуйидаги жараёнлар боради:
Cr³⁺ + e → Cr²⁺ Е⁰=-0,41В
Cr³⁺+3e → Cr Е⁰=-0,74В
Cr²⁺+2e → Cr Е⁰=-0,91В
Бир вақтда қуйидаги реакция ҳам содир бўлади 2H⁺ +2e → H₂. Хромда во-дород ўта кучланувчанлиги паст эканлиги учун, водород ионларининг токсизла-нишини қийинлаштирилса, металлнинг ажралиб чиқиши ток унумдорлигига амалда эришиш мумкин бўлади. Бунинг учун рН ни энг юқори нуқтасига кўтариш керак бўлади. Аммо рН 3 даёқ олинаётган металлни ифлослантирувчи Cr(ОН)₃ ва асосли тузлар ҳосил бўлишни бошлайди.
Водороднинг ажралиши электрод ёни рНини кўтарилишига олиб келади. Шунинг учун электролизни аммоний тузлари қўшилган кучли буферли ком-плексли эритмада олиб борилади. Бунда хромнинг зич ва қалин чўкмасини хох сульфат хох хлоридли электролитлардан олиш мумкин (ток унуми 50%). Жараён католит ва анолитни ажратиб турувчи тўсиқли (диафрагма) ванналарда олиб борилади. Анод сифатида қўрғошиннинг кумуш(1%) ли қотишмаси ишлатилади, Cr³⁺ -15г/л; Cr²⁺ -15г/л; аммоний сульфати –200-270г/л; сульфат кислота–250 – 280 г/л; токнинг зичлиги – 1кА/м²; ҳарорат 50⁰С ; кучланиш 4,5В; электроэнергиянинг сарфи 18000-20000 кВт·ч/т.
Хром кислотасидан катодда электроэкстракция қилиб, юқори ток унумдорлигида юмшоқ чўкмалар олиш учун қуйидаги шароит яратилади: ҳарорат 25 – 36⁰С; 250-350 г/л CrO₃ ; 2,5-3,5 г/л – сульфат кислотаси; ток зичлиги 3-8 кА/м² ; ток унуми Вт = 35%; кучланиш 6-8 В; электроэнергия сарфи 40-70 минг.кВт·ч/т.