Тошкент кимё-технология институти “менежмент ва касб таълими” факултети

5. Шампан винолар. 
Буларга Шампан виноси, вижиллайдиган ва газли винолар киради.
Шампан виноси
узумнинг алоҳида қимматли навидан ишлаб чиқарилади. 
Шампанский ишлаб чиқаришнинг алоҳида ҳусусияти шундан иборатки, вино 
маҳсус резервуарлардан карбонат кислотасининг гази билан тўйинтириш учун 
иккинчи марта ачитилади. Шампан виноси энг нозиқ букетли, таъми ёқимли, 
ҳушбўй, ҳиди ўзига ҳос ва карбонат кислотаси гази билан кучли тўйинган бўлиб, 
таркибидаги спирт-10,5-12,5% бўлади.
Тайёрланиш усулига ва таркибидаги қандга кўра “Шампан виноси” қуйидаги 
номларда ишлаб чиқарилади.
Етилтирилган “Совет шампани”: брют (қанди 0,3% гача), энг нордон (0,8 дан 
1,3гача); нордон (3,0 дан 3,5% гача); ярим нордон (қанди 5 дан 5,5% гача) турлари 
чиқарилади. Етилтирилган турга “Совет шампани”нинг бутилкаларда иккинчи 
марта ачитилгани ва шу бутилкаларда камида 3 йил сақланганлари киради.
Оддий “Совет шампани”: энг нордон (қанди 0,8—1,3%), нордон (3—3,5%), 
ярим нордон (5—5,5%), ярим ширин (8—8,5%) ва ширин (10—10,5%) ларга 
бўлинади.
Вижиллайдиган винолар
ҳам ачитиш вақтида катта босимда карбонат 
кислотаси билан тўйинтириш йўли, билан тайёрланади. Бироқ, уларнинг 
тайёрланиш технологияси шампан виноларининг тайёрланиш технологиясидан 

---

фарқ қилади. Вижиллайдиган виноларга: “Мускатное игристое” виноси киради. 
Уларнинг таркибида 11-13% спирт ва 5-12% қанд бўлади.
Газлаштирилган (карбонат кислота билан газланган) винолар.
Бу винолар 
карбонат кислотаси гази билан сунъий (сатурация) йўл билан тўйинтирилади. 
Уларга аралаштирилган карбонат кислотаси гази тез учиб кетади. Таркибида 9 дан 
12% гача спирт, 3 дан 8% гача қанд бўлади.
Узум виноларининг 
сифатига
ранги, таъми, ҳиди, ҳушбўйлиги, тиниқлиги ва 
бошқа шунингдек органолептик кўрсаткичларга асосланиб баҳо берилади.
Таркибидаги спирт, қанд, кислоталар, экстракт, ошловчи ва бошқа моддалар 
лаборатория усуллари билан аниқланади.
Яхши сифатли винолар бегона қўшимчаларсиз, чўкинди ва қуйқасиз бўлади. 
Навига кўра уларнинг таъми ёқимли ва маълум даражада ҳушбўй бўлиши керақ
Ўткирлиги белгиланган нормадан паст, ҳира, қуйқали, бегона таъм ва ҳиди 
ҳамда бошқа нуксонлари бўлган винолар истеъмолга чиқарилмайди.
Узум винолари 200 
л
сиғимли тоза, эмандан ясалган ва буғлатилган 
бочкаларга 0,375; 0,5; 0,8 ва 1 л сиғими
бутилкаларга қуйилади.
Шампан виноси 0,8 ва 0,4 л сиғимли
бутилкаларда чиқарилади.
Узум виноларини қуруқ, тоза ҳарорати 8—15°С ва нисбий намлиги 70—75% 
бўлган хоналарда ётқизилган холда 
сақлаш тавсия этилади.