Яхши тешикқўлча маҳсулотлари
турри шаклли, текис, силлиқ ва ялтироқ
сиртли, сарғиш-тилла рангли, ёқимли таъм ва ҳидли бўлиши лозим. Диққат билан
яхши уланиши, мағзи яхши кўпчиган ва аралаштирилган бўлиши лозим.
Баранка ва майда тешикқўлча касир кусур, йирик тешикқўлча-бублик эса
юмшоқ бўлиши лозим. 1
кг
да 35—40 дона баранка, 120—250 та
майда
тешикқўлча, 10—20 дона йирик тешикқўлча бўлади. Баранканинг намлиги 14—
19%, майда тешикқўлчаники 9—12%, йирик тешикқўлчаники эса 22% бўлади.
Суҳариларнинг сифати, шакли, ташқи кўриниши, ранги, таъми, ҳиди,
намлиги, ивучанлиги, кислотанинг миқдори ва бир килограммга неча дона тури
келиши сингари кўрсаткичлар асосида баҳоланади.
Барча турдаги сухарилар чиройли қирқилган, бир текис қуриган, қўймаган,
чуқур ёриқлар бўлмаган, бегона нарсалар қўшилмаган бўлиши лозим. Яхши
сухарида майда увалангани ва ушоқлари умумий оғирликка нисбатан кўпи билан
3%, горбушкаси 20% бўлиши лозим.
Сутли-ёғли
сухари тури шакли, жигарранг, устки сирти ялтироқ, таъми
муайян навга хос ширинроқ, ачиқ ҳам эмас чучук ҳам эмас, тузи расо, қўймаган,
бегона
таъмлардан холи, ҳамири яхши қорилган, ғоваклиги бир текис бўлади.
Намлиги, навларига қараб, 8—12% ўртасида бўлиши лозим. Ёрик ва бўшлиқлар
бўлишига йўл қўйилмайди.
Нон ва булочка маҳсулотлари ёғоч қути, яшиқ баъзан саватларга
жойланади.
Бундай идишлар тоза, қуруқ ва ҳидсиз бўлиши керақ
Нон, булочка ва тешикқўлча, сухарилар маҳсус жиҳозланган, кузови берқ
ичида тоқчалари бўлган автоаравали транспортда ташилади. Нонни очиқ машина
ва араваларда ташиш ҳам мумкин, лекин бунда маҳсулот солинган яшик ёки
саватлар устига брезент ёпилган бўлиши шарт. Нон ташиладиган транспорт, идиш
ва брезентдан бошқа мақсадларда фойдаланишга йўл қўйилмайди. Улар тоза
жойда сақланиши, нон солинаётганда албатта қараб чиқилиши ва тозаланиши
керақ
Нон қуруқ, тоза, кемирувчилар зарарлантирмайдиган, тоқчали ва
шамоллатиладиган хоналарда 6°С дан кам бўлмаган бир меъёрдаги температурада
сақланиши керақ Тортилиб сотиладиган маҳсулотлар ва батонлар тоқчаларга ёни
билан ёки ўнгини қилиб кўпи билан икки қатор, булочка маҳсулотлари бир қатор
терилади.
Нон сақланадиган хона йилига камида бир
марта дезинфекция ва ремонт
қилиниши зарур.
Пишиб
чиққан
нон маҳсулотларини сақлашнинг
сўнгги
муҳлати белгиланган: жайдари ундан тайёрланган жавдар нон, жавдар-бўғдой
ва бўғдой нон 48 соат, навли ундан тайёрланган тортиб ва доналаб сотиладиган
нон (доналаб сотиладиган майда маҳсулотлар бундан мустасно) 24 соат, (доналаб
сотиладиган майда маҳсулотлар) 16 соат сақланади. Бу муддат тугагач,
ҳаридорларга нон сотиш ман этилади, чунки у совиб қолади, бинобарин, у
магазиндан олиниб қайта ишлаш учун нон заводи (новвойхона) га топширилиши
лозим.
Суҳари ва тешикқўлча маҳсулотлари яхши шамоллатиладиган қуруқ
хонада
кўпи билан 16—18°С температура ва ҳавонинг нисбий намлиги 75% дан ортиқ,
бўлмаган шароитда сақланиши лозим.
Do'stlaringiz bilan baham: