Toshkent farmatsevtika instituti

Keng koʼlamli agglyutinatsiya reaktsiyasi. Аgglyutinatsiya qiluvchi zardobni fiziologik eritma bilan odatda ikki marta suyultiriladi. Аgglyutinatsiya reaktsiyasiga kasal odam organizmidan olingan zardobni odatda 1:50 dan 1: 1600 martagacha, immun diagnostik zardobni esa titrdan yarim titrgacha ( zardob titri etiketkada koʼrsatilgan ) suyultiriladi. Аna shu zardoblardan har bir probirkaga 1 ml dan solinadi. Zardobning eng maksimal kontsentratsiyasi kontrol zardob sifatida ishlatiladi. Kontrol zardob solingan probirkaga antigen kiritilmaydi. Natriy xloridning izotonik eritmasi ( 1 ml ) bilan antigen solingan probirkaga esa antigen kontroli vazifasini bajaradi. Kontrol zardob solingan probirkadan boshqa probirkalarga ( diagnostikum yoki mikroorganizmlarning yangi tayyorlangan tortmasi ) dan 0,1 ml yoki 2 tomchi qoʼshiladi. Bunda probirkalarning ichidagi aralashma bir xil darajada xiralashishi kerak.Probirkalarni yaxshilab chayqatib, 370 S haroratli termostatga joylashtiriladi. Oradan 18 – 20 soat oʼtgach, reaktsiya natijasi qayd etiladi.Аgglyutinatsiya reaktsiyasining natijasi kontrol probirkalarning holatiga koʼra: antigen kontrolining bir tekis xiralashishi va zardob kontrolining shaffof holatda qolishiga koʼra qayd qilinadi.