Toshkent farmatsevtika instituti

Shisha buyum ustida oʼtkaziladigan agglyutinatsiya reaktsiyasi. Yogʼ dogʼ- larida tozalangan shisha buyum ustiga ikki tomchi zadob va natriy xloridning izotonik eritmasidan tomiziladi. Zardob va izotonik eritma tomchilaridan bitta ilmoq bilan oʼrganilayotgan mikroorganizm ekmasi kiritiladi va yaxshilab aralashtiriladi. Bunda zardob tomchisidagi mikroorganizm ekmasini natriy xloridning izotonik eritmasi tomchisiga qoʼshib yubormaslik kerak. Chunki natriy xloridning izotonik eritmasi antigen kontroli vazifasini bajaradi. Reaktsiya xona harorati darajasidagi issiqlikda 1 – 3 minut davom etadi. Аgar zardobning kontrol tomchisi shaffofligicha qolsa, antigenni aniqlovchi tomchining bir tekisda xiralanishi kuzatiladi. Mikroorganizm ekmasi aralashtirilgan zardob tomchisida agglyutinat parchalari hosil boʼlsa, rektsiya ijobiy natija koʼrsatgan hisoblanadi.