Toshkent farmatsevtika instituti

Nazorat savollari 
1. Farmasevtik faoliyat asoslari.  
2. Farmasevtika faoliyati haqida tushuncha. Farmasevtika faoliyat turlari.  
3  “Dori  vositalari  va  farmasevtika  faoliyati  to‘g‘risida”gi  Qonun,  mohiyati  va 
o‘zgartirishlar 
 
4-MAVZU: CHAKANA FARMATSEVTIK FAOLIYAT XAQIDA 
TUSHUNCHA. DORIXONA ISHINI TASHKIL QILISH 
REJA: 
4.1. Dorixonalarda chakana savdoni tashkil etish tartiblari. 
4.2. Dorixona turlari, vazifalari va funksiyalari. 
4.3.  Ijtimoiy  dorixonalarni  tashkil  qilish  va  joylashtirish  tartibi,  vazifa  va 
funksiyalari. 
4.4. Dorixona xonalari tarkibi, jixozlanishi. 
 
    O‘zbekiston  Respublikasining  “Dori  vositalari  va  farmasevtika  faoliyati 
to‘g‘risida”gi  Qonuniga  muvofiq  farmasevtika  tashkilotlarida  chakana  savdo, 
farmasevtika  faoliyatidagi  lisenziyalanadigan  yo‘nalish  bo‘lib,  dorixona  va  uning 
filiallari tomonidan amalga oshiriladi. 
   Dori  vositalarini  chakana  realizasiya  qilish  O‘zbekiston  Respublikasi  Sog‘liqni 
saqlash  vazirligi  tomonidan  tasdiqlagan  shakldagi  reseptlar  yoki  reseptsiz 
beriladigan dori vositalarining ro‘yxatiga ko‘ra amalga oshiriladi. 
   O‘zbekiston  Respublikasida  ro‘yxatdan  o‘tkazilgan  yoki  dorixonalar  tomonidan 
tayyorlangan  dori  vositalari  va  tibbiy  buyumlarni  chakana  realizasiya  qilishga 
ruxsat beriladi. 
   Sifatsiz, 
qalbakilashtirilgan, 
O‘zbekiston 
Respublikasida 
ro‘yxatdan 
o‘tkazilmagan  dori  vositalarini  va  tibbiy  buyumlarni,  shuningdek,  O‘zbekiston 
Respublikasida  ro‘yxatdan  o‘tkazilgan  dori  vositalarining  g‘ayriqonuniy 
nusxalarini  xarid  qilish,  chakana  realizasiya  qilish,  hamda  ulardan  foydalanish 
taqiqlanadi. 

---

   Dori  vositalari  va  tibbiy  buyumlarni  chakana  realizasiya  qilish  O‘zbekiston 
Respublikasi Vazirlar Mahkamasining 2017 yil 6 apreldagi № 185-son qarori bilan 
tasdiqlangan Nizomga muvofiq amalga oshiriladi.