Toshkent farmatsevtika instituti tillar kafedrasi magistratura talabalari uchun

Dialogni o‘qing va unda ilgari surilgan fikrlarga o‘z mulohazalaringizni bildi-ring:
- Ha, mahallada qiz qidirib yurishgan ekan. Bexos biznikiga kirishsa, Olmosni ko‘rib qolishipti. Kimni uyiga kirishganini ham bilishmas ekan.
- Aytdingizmi?
- Qizingizni yoshligini aytdim. Kimni qizi ekanini o‘zlari surishtirib bilib olishar, deb indamadim. Lekin qizimiz uyimizga kelib turadigan mehmonlardan deb, rosa xizmat qildi.
- Hali bola-da, tushunmagan.
- Qizingizga ularni maqtovlari, «aylanay, o‘rgilaylari» biram yoqdiki….. Men nima qilarimni bilmay qoldim.
- Muxarramxon, shuning uchun ham unga ko‘proq shirin, ekalaydigan gaplarni gapiraylik, a?
- Siz, ayam juda erka qilasizlar. Hech bo‘lmasa men sal qattiqroq turay, deyman. Taltayib ketmasin, begona uyga boradigan qizu…
- Baribir. Chiroyli, maqtov so‘zlarni eshitib yursa, birovlarning gapiga uchmaydi. Ko‘rgan-misiz, bodom daraxti erta bahorda sal kun ilisa gullab qoladi. Uyida shirin so‘z eshitmay o‘sgan qizlarni, o‘sha bodom daraxtiga o‘xshataman. Etilib kelayotgan qizlarga ota-onasi odob-axloqni urishib, qarg‘ab emas, chiroyli gaplar bilan o‘rgatsa, deyman. Qizlar shunda o‘z qadrini biladigan bo‘ladi. (Olmos. Bodom guli)


7- Amaliy mashg’lot
Mustaqil ishlari uchun material.
Matnni o‘qing va o‘z mulohazalaringizni bildiring.
Zumrad
Bola uyg‘onib, onasini chaqirdi. Zumrad shoshib, zinadan tushdi-yu, ayvonga qarab chopti. Chopayotganida sochlarining to‘lqin urishi biram chiroyli, biram o‘ziga yarashiqli. Aziza piyoladagi choyni qo‘yib, uning ketidan bordi.
Bola ko‘zini ochgan, Zumrad tepasida mehr bilan unga qarab turardi. Aziza bolaning ko‘zini ko‘rdi. Ha, o‘sha Hakimjonning ko‘zlari.
- Ana, doktor opang dori beradilar, tuzalib ketasan, qo‘zim.
Aziza bolaning tomog‘iga choy qoshiqning orqasini tiqib, tanglayini qaradi, ko‘z milklarini ochib qaradi.
- Tashvish qilmang, shamollapti. Dori yozib beraman, tuzalib qoladi.
- Ertadan-kechgacha cho‘milgani-cho‘milgan. Bilasiz-ku, tog‘dan muzdek suv keladi, unga cho‘milib bo‘ladimi…
Agar Aziza o‘shanda muhabbatning aldamchi hislariga berilganda, o‘z irodasini qo‘liga ololmaganda, u ana shu aldangan ayoldan ham avval qurbon bo‘ladi… (Said Ahmad. Zumrad).