Toshkent davlat yuridik universiteti xalqaro tashkilotlar huquqi

Kotibiyat.
Kotibiyat SHHTning doimiy faoliyat ko'rsatadigan ijro 
organi bo'lib, quyidagi vazifalarni bajaradi: 
1. Tashkilot faoliyatini muvofiqlashtiradi, axborot-tahliliy, huquqiy 
va tashkiliy-texnik jihatdan ta'minlaydi. 
2. A'zo davlatlarga SHHT organlariga ko'rib chiqish uchun taqdim 
etiladigan hujjatlar loyihalari, jumladan, SHHT organlarining bo'lajak 
yig'ilish va/yoki majlislari kun tartibi loyihalarini tarqatadi. 
3. Milliy koordinatorlar kengashi bilan hamkorlikda a'zo davlatlar 
ekspertlarining SHHT organlarining yig'ilish va majlislarida ko'rib 
chiqish uchun taqdim etiladigan hujjatlar loyihalari bo'yicha maslahatlar 
tashkil etadi. 
4. SHHT organlarining yig'ilish va majlislarini ular tomonidan 
belgilangan reglamentga muvofiq, hududida uchrashuv o'tkaziladigan 
davlat bilan hamkorlikda tshkiliy-texnik jihatdan ta'minlaydi. 
5. SHHT doirasida qabul qilingan hujjatlar depozitariysi vazifasini 
bajaradi, ushbu hujjatlarni tasdiqlaydi va a'zo davlatlar yuborilishini 
ta'minlaydi. 
SHHT Ishbilarmonlik kengashi
2006 yil 14 iyunda Qozog'iston 
Respublikasi, Xitoy Xalq Respublikasi, Qirg'iziston Respublikasi,
Rossiya Federatsiyasi, Tojikiston Respublikasi va O'zbekiston 
Respublikasidan Kengashning milliy qismlari tomonidan ta'sis etilgan. 
SHHT Ishbilarmonlik kengashi va uning Moskvada joylashgan doimiy 
faoliyat yuritadigan Kotibiyati faoliyatini tartibga soladigan hujjatlar 
ham tasdiqlangan. 
Kengash SHHTga a'zo davlatlar rahbarlari kengashining qaroriga 
muvofiq tashkil etilgan. Kengash tashkilot doirasida iqtisodiy 
hamkorlikni kengaytirish, a'zo davlatlarning ishbilarmonlik va 
moliyaviy tashkilotlari o'rtasida to'g'ridan-to'g'ri aloqalar hamda 
muloqotni yo'ldga qo'yish, Davlat rahbarlari tomonidan «Savdo-
iqtisodiy hamkorlik dasturi»da belgilangan ko'p tomonlama loyihalarni 
ilgari surishga ko'maklashish maqsadida a'zo davlatlar biznes 
hamjamiyatining obro'li vakillarini birlashtiradigan nodavlat tuzilmadir. 
Har yili o'tkaziladigan Sessiya Kengashning oliy organi 
hisoblanadi. Sessiyada Kengash faoliyatining ustuvor va asosiy 
yo'nalishlari ishlab chiqilib belgilanadi, boshqa davlatlar ishbilarmon 

---

164 
birlashmalari bilan o'zaro munosabatlarning muhim masalalari hal 
etiladi. 
SHHT Ishbilarmonlik kengashi — tavsiya qarorlarini qabul qilish 
va SHHTga a'zo davlatlar biznes hamjamiyati vakillarini Tashkilot 
doirasida savdo-iqtisodiy, investitsion hamkorlikka jalb etish bo'yicha 
ekspert bahosini berishga qodir mustaqil tuzilmadir.
SHHT Ishbilarmonlik kengashining o'ziga xos xusuiyati shundaki, 
u davlatlararo hamkorlikning ustuvor yo'nalishlari orasida energetika, 
transport, telekommunikatsiyalar, kredit-bank sohasi bilan bir qatorda 
SHHTga a'zo davlatlarning ta'lim, ilm-fan, innoatsiya texnologiyalari, 
sog'liqni saqlash, qishloq xo'jaligi sohasidagi o'zaro hamkorligini 
alohida ajratib ko'rsatadi.