Toshkent davlat yuridik universiteti xalqaro tashkilotlar huquqi

SHHT yuridik shaxs huquqlaridan foydalanadi va quyidagilarni 
amalga oshirishi mumkin: 
- shartnomalar tuzish; 
- harakatlanadigan va harakatlanmaydigan mulkka egalik qilish 
hamda uni tasarruf etish; 
- sudlarda da'vogar yoki javobgar sifatida ishtirok etish; 
- hisob-raqamlar ochish va mablag'lar bilan bog'liq operatsiyalarni 
amalga oshirish. 

---

161 
2004 yilning dekabrida SHHTga BMT Bosh assambleyasida 
kuzatuvchi maqomining berilgani, 2005 yilning aprelida SHHT va 
ASEAN, SHHT va MDH, SHHT va ODKB o'rtasida o'zaro anglashuv 
memorandumlarining imzolangani xalqaro maydonda tashkilortning 
obro'-e'tibori ortib borayotganining muhim ko'rsatkichidir.
(Qarang.: BMT va SHHT o'rtasida hamkorlik. BMT Bosh 
assambleyasining 2010 yil 2 dekabrdagi (A/65/L.29) va 2013 yil 14 
fevraldagi (A/RES/67/15) rezolyutsiyalari). 
SHHT maqsad va vazifalarini bajarish uchun tashkilot 
doirasida: 
• Davlat rahbarlari kengashi; 
• Hukumat rahbarlari (bosh vazirlar) kengashi; 
• Tashqi ishlar vazirliklari kengashi; 
• Vazirlik va idoralar rahbarlari kengashi; 
• Milliy muvoiqlashtiruvchilar kengashi; 
• Mintaqaviy aksilterror tuzilmasi; 
• Kotibiyat faoliyat ko'rsatmoqda. 
Davlat rahbarlari kengashi
SHHTning oliy organi hisoblanadi.
U tashkilot faoliyatining ustuvor va asosiy yo'nalishlarini belgilaydi 
hamda ishlab chiqadi. Kengash SHHT ichki tuzilmasi va faoliyati, 
boshqa davlatlar va xalqaro tashkilotlar bilan o'zaro hamkorlikning 
prinspial masalalarini hal etadi, dolzaob xalqaro muammolarni ko'rib 
chiqadi. 
Hukumat rahbarlari (bosh vazirlar) kengashi
tashkilot bdjetini 
qabul qiladi, tashkilot doirasidagi muayyan, ayniqsa, o'zaro hamkorlikni 
rivojlantirishning iqtisodiy sohasiga taalluqli asosiy masalalarni ko'orib 
chiqadi hamda hal etadi. 
2014 yil 4–15 dekabrda Ostona shahrida SHHTga a'zo davlatlar 
Hukumat rahbarlari kengashining o'n uchinchi majlisi bo'lib o'tdi.