Toshkent davlat yuridik universiteti xalqaro tashkilotlar huquqi

BMT bosh organlari 
BMT tizimi murakkab tashkiliy tuzilmaga ega: BMT bosh 
organlari, ixtisoslashtirilgan muassasalari, dasturlari, BMT tizimiga 
kirmaydigan, ammo u bilan hamkorlik to'g'risidagi shartnoma tuzgan 
qo'mitalar va o'xshash organlar. 
Ustavning 7-moddasiga muvofiq, BMT tuzilmasini oltita asosiy 
organ - Bosh Assambleya, Xavfsizlik Kengashi, Iqtisodiy va Ijtimoiy 
Kengash, Xalqaro Sud, Vasiylik Kengashi va Kotibiyat tashkil etadi. 
Ular o'z faoliyat sohasida markaziy bo'g'in hisoblanadi. Ammo, bu 
ularning o'z vazifasi, huquqiy mavqei bo’yicha teng degani emas. BMB 

---

63 
Bosh assambleyasi va Xavfsizlik kengashi BMT maqsad hamda 
prinsplarini ta'minlashda muhim o'ringa ega.
Bosh assambleya BMTning tashkilotga a'zo 193 davlatdan iborat 
majlislar o'tkazuvchi, ko'rsatmalar beradigan va vakolatli asosiy organi 
hisoblanadi. Assambleya Ustavda qayd etilgan keng ko'lamli xalqaro 
muammolarni ko'p tomonlama muhokama etish uchun o'ziga xos 
forumdir. 
Bosh assambleya va Xavfsizlik kengashi biri-biriga va BMT 
tizimidagi boshqa organlarga bo'ysunmaydigan mustaqil organlardir. 
Zarur bo'lgan yordamchi organlar esa BMT Ustaviga muvofiq 
ta'sis etilishi mumkin. Ular BMT Ustavi asosida barcha asosiy organlar 
tomonidan ta'sis etilishi mumkin va ularning vakolatlari asosiy organ 
vakolatining bir qismi bo'lishi lozim. BMT tizimiga tashkilotning 15 
muassasasi kiritilgan.
BMT organlari, odatda, barcha yoki ayrim a'zo davlatlarning 
vakolatli vakillari yoxud delegatsiyalaridan tashkil topgan. Ba'zida esa 
bu organlar shaxsiy vakillik asosida tashkil etiladi. Masalan, Xalqaro 
huquq komissiyasi xalqaro huquq sohasida obro'-e'tiborga ega 
shaxslardan iborat. BMTning Xalqaro sudi tarkibi jahonning asosiy 
huquqiy tizimini ifoda etishi darkor.