Toshkent davlat yuridik universiteti

yerlarni 
huquqiy  muhofaza  qilish  deganda
  -  huquq 
normalarida  yerdan  foydalanish  huquqi  va  shartlarini  va  ularni 
buzganlik  uchun  javobgarlikni  belgilab  qo‘yish,  yer  munosabatlarida 
qonuniylikni  ta’minlash  va  yerdan  foydalanuvchilarning  huquqlarini 
himoya qilishni hamda atrof tabiiy muhit va tabiatning boshqa unsurlari 
bilan  yerning    o‘zaro  bog‘liqligini  hisobga  olib,  undan  oqilona  va 
samarali  foydalanishga  qaratilgan  tashkiliy-huquqiy  choralar  tizimini 
tushunmoq lozim.  
Esda tuting! 
 
Yerlarni  muhofaza  qilish  deganda  esa,  o‘z  navbatida  yerlarning 
tabiiy  organiq  holatini  tiklash,  turli  eroziyalardan  saqlash,  antropogen 
ta’sirlarning  oldini  olish  bilan  bog‘liq  ekologik,  iqtisodiy,  texnikaviy 
chora-tadbirlar tizimidir.  
O‘zbekiston  Respublikasi  Yer  kodeksining  79-moddasida  yerlarni 
muhofaza qilishning mazmuni va tartibi belgilab qo‘yilgan bo‘lib, unga 
ko‘ra  yerlardan  oqilona  foydalanish  tizimi  tabiatni  muhofaza  qilish  va 
resurslarni  tejash  tarzida  bo‘lishi  hamda  tuproqning  saqlanishini, 
o‘simlik va hayvonot dunyosiga, geologiya jinslariga va atrof muhitning 
boshqa  tarkibiy  qismlariga  ta’sir  o‘tkazishni  cheklashni  nazarda  tutishi 
kerak.  
Davlat  organlari  yerlarni  muhofaza  qilish  yuzasidan  respublika 
dasturi va hududiy dasturlar doirasida zarur chora-tadbirlarni ko‘radilar.