Тошкент давлат юридик университети

Nazorat savollari: 
 
1. O‘zbekiston qonunchiligida tabiatni muhofaza qilish qoidalari 
mustahkamlangan bo‘lib, ular “ekologik talablar” nomi bilan mashhur.
O‘zbekiston Respublikasining “Yer osti boyliklari to‘g‘risida”gi 
Qonunida va boshqa qonun hujjatlarida yer ostidan foydalanishda qanday 
ekologik talablar belgilangan? 
2. Qonunchilik tabiatdan foydalanishga ma’lum shart va talablarga 
asosan ruxsat beradi. Bu yuridik va jismoniy shaxslarda tabatdan 
foydalanish huquqini vujudga kelish tartibi hisoblanadi.
Yer osti boyliklaridan foydalanishni qanday turlari bor va ulardan 
foydalanishga kim ruxsat beradi va qanday tartibda?
 
3. “NeoPLANT” kompaniyasi Qashqadaryo viloyatining Tolako‘l va 
Quduq istiqbolli maydonlarida kvars va kvarsitlar konlarini geologik 
jihatdan o‘rganish ishlarini o‘z mablag‘lari hisobiga olib bordi. Va olingan 
barcha ma’lumotlarni O‘zbekiston Respublikasi Davlat geologiya va 

---

199 
mineral resurslar qo‘mitasiga taqdim etdi. Kompaniya boshqaruvi ma’lum 
vaqt o‘tgach Davlat geologiya qo‘mitasi tomonidan O‘zbekiston 
Respublikasi Vazirlar Mahkamasiga Qashqadaryo viloyatining Tolako‘l va 
Quduq istiqbolli maydonlarida kvars va kvarsitlar konlarini qazib olish 
huquqiga litsenziyani ochiq savdolar natijalariga ko‘ra berish yuzasidan 
tavsiya tayyorlanganligidan xabar topadi. “NeoPLANT” kompaniyasi 
boshqaruvi O‘zbekiston Respublikasi Davlat geologiya va mineral 
resurslar qo‘mitasiga murojaat qilib, ushbu konlarni qazib olishga 
litsenziyani ochiq savdoda qatnashmagan holda olishga haqli ekanligini 
bildirib, moliyalashtirish manbayini ko‘rsatgan holda konni razvedka 
qilish ishlarini moliyalashtirish faktini tasdiqlovchi hujjatlarni ilova qildi.
Vaziyatga huquqiy baho bering. 
 
4. “Zarafshonneftgaz” qo‘shma korxonasi Vazirlar Mahkamasiga 
foydali qazilmalarni kovlab olish bilan bog‘liq bo‘lmagan yer osti 
inshootlarini qurish va ulardan foydalanish uchun ruxsatnoma berish 
to‘g‘risida murojaat qilgan. Vazirlar Mahkamasi “Zarafshonneftgaz” 
qo‘shma korxonasi murojaatini qanoatlantirib, unga 5 yilga ruxsat berdi.
Oradan 1 yil o‘tgach “Zarafshonneftgaz” qo‘shma korxonasi Vazirlar 
Mahkamasini sudga berib, ularga berilgan ruxsatnoma qonunga zid 
ravishda berilganligini vaj qildi.
Holatga huquqiy baho bering.