Тошкент давлат юридик университети

 
Vaziyatga huquqiy baho bering.
 
4. Jizzax viloyati, Zomin tuman hokimligiga fuqaro Sharipov M. 
baliqchilikni tashkil etish va sholi ekish uchun Zomin tuman o‘rmon 
xo‘jaligiga qarashli sug‘orma yerlaridan 0,25 ga yer maydonini ajratishni 
so‘rab murojaat etdi. Tuman hokimligi ushbu ko‘rsatmani ijro etish 
maqsadida Zomin davlat qo‘riqxonasi yeridan 0,25 ga yer uchastkasi 
ajratdi va ushbu yer uchastkasini davlat qo‘riqxonasi balansidan chiqarib 
tashladi. Viloyat, Ekologiya va atrof-muhitni muhofaza qilish qo‘mitasi 
Zomin tuman hokimligining ushbu qaroridan norozi bo‘lib, mazkur 
masalani qonuniy hal qilishni talab qilib viloyat hokimligi yuristiga 
murojaat etdi. 

---

186 
12
-
BOB. YER OSTI BOYLIKLARIDAN FOYDALANISH VA 
MUHOFAZA QILISHNING HUQUQIY TARTIBI 
 
Yer osti boyliklari tushunchasi va ularni huquqiy muhofaza qilish 
zarurati. Yer osti boyliklaridan foydalanish va ularni muhofazalashning 
ekologik-huquqiy talablari. Davlat tomonidan konchilik munosabatlarining 
tartibga solinishi. Yer qa’ridan foydalanish huquqi.
 
Yer osti boyliklari tushunchasi va ularni huquqiy muhofaza 
qilish zarurati 
 
Respublikamiz hududidagi yer osti boyliklari jamiyatimizning 
iqtisodiy negizlaridan birini tashkil etib, yer, suv, o‘simlik va hayvonot 
dunyosi hamda boshqa tabiiy zaxiralar kabi umummilliy boylik 
hisoblanishi barobarida “Yer osti boyliklari to‘g‘risida”gi O‘zbekiston 
Respublikasining Qonunining 2002-yil 13-dekabrda qabul qilingan yangi 
tahririning 4-moddasiga ko‘ra “yer osti boyliklari O‘zbekiston 
Respublikasining mulki bo‘lib, ulardan oqilona foydalanish zarur va ular 
davlat muhofazasidadir”.
O‘zbekiston Respublikasi 1992-yil 9-dekabrda qabul qilingan
“Tabiatni muhofaza qilish to‘g‘risida”gi Qonunining 18-moddasida “yer 
osti boyliklari” tushunchasi berilgan bo‘lib, unga muvofiq, “yer osti 
boyliklari deganda yer qobig‘ining yuqori qismini qamrab oluvchi, 
tadqiqotlar o‘tkazish va foydali qazilmalar kovlab olish mumkin bo‘lgan 
sathi” tushuniladi.