Тошкент давлат юридик университети

mahalliy davlat hokimiyat 
organlarining
vakolatlari O‘zbekiston Respublikasi Konstitutsiyasining 
100-moddasida, O‘zbekiston Respublikasining 1993-yil 2-sentabrda qabul 
qilingan “Mahalliy davlat hokimiyat organlari to‘g‘risida”gi Qonunning 
10-, 24-, 25-moddalarida, “Tabiatni muhofaza qilish to‘g‘risida”gi 
Qonunning 10-moddasida va tabiiy resurslar to‘g‘risidagi qonunlarning 
tegishli moddalarida belgilangan. 
Masalan, 
mahalliy davlat hokimiyat organlari yer munosabatlarini tartibga solishda muhim 
o‘rin egallaydilar va bu masalaga Yer kodeksining 5–7 moddalari bag‘ishlangan.
Mahalliy davlat hokimiyati organlari o‘z hududlarida ekologiya 
sohasida davlat boshqaruvini amalga oshirishda quyidagi vakolatlarga ega:

o‘z hududida tabiatni muhofaza qilishning asosiy yo‘nalishlarini 
belgilash, mintaqaning (hududning) ekologiya dasturini tasdiqlash; 

tabiiy resurslarni hisobga olish va ularning ahvoliga baho berish, 
ekologiya jihatidan zararli bo‘lgan obyektlarni ro‘yxatga olish; 

tabiatni muhofaza qilishga doir tadbirlarni moddiy-texnika 
jihatidan ta’minlash; 

---

76 

tabiiy 
resurslardan 
foydalanish 
huquqini 
beruvchi 
ruxsatnomalarni belgilangan tartibda berish; 

tabiiy resurslardan foydalanganlik uchun to‘lovlar undirish; 

tabiatning muhofaza qilinishi ustidan nazorat o‘rnatish, atrof 
muhitga zarar etkazayotgan mahalliy ahamiyatga molik obyektlar 
faoliyatini vaqtincha yoki butunlay to‘xtatish va qayta ixtisoslashtirish 
to‘g‘risida qarorlar qabul qilish.
Mahalliy davlat hokimiyati organlari favqulodda vaziyatlar, 
epidemiyalar hamda aholining hayoti va salomatligi uchun boshqa real 
xavf yuzaga kelishining oldini olish bilan bog‘liq holda korxonalar, 
tashkilotlar, inshootlar va boshqa obyektlar faoliyatini o‘n ish kunidan 
ko‘p bo‘lmagan muddatga to‘xtatib qo’yish vakolatiga ega (Mahalliy 
davlat hokimiyat organlari to‘g‘risidagi qonunning 10, 48-moddalari). 
Atrof muhitga zarar etkazayotgan tadbirkorlik subyektlari hisoblangan 
mahalliy ahamiyatga molik obyektlarning faoliyatini to‘xtatib qo’yish
yoki tugatish va qayta ixtisoslashtirish sud tartibida amalga oshiriladi.