Тошкент давлат юридик университети

Nazorat savollari: 
1. Fuqaro D. va N. lar Buxoro viloyatida joylashgan “Akva” baliq 
xo‘jaligi hududi chegaralarida noqonuniy ravishda yovvoyi o‘rdaklarni 
ovlash vaqtida ushbu xo‘jalikning qo‘riqlash xizmati xodimlari tomonidan 
qo‘lga olindi.
Ushbu holatda fuqarolar – D. va N. harakatlari natijasida davlat 
mulki yoki yuridik shaxs mulkiga zarar yetkazilganligi to‘g‘risida o‘z 
fikringizni bildiring. 
 
2. Fuqaro G. Navoiy viloyati hududidagi Aydar-Arnasoy ko‘llar 
tizimiga taalluqli suv havzalaridan bir qismini xususiy mulk qilib 
berilishini so‘rab viloyat hokimligiga ariza bilan murojaat qildi.
Fuqaro G. ning arizasi qanoatlantirilishi mumkinmi? 
Qanday tabiat obyektlari xususiy mulk sifatida berilishi mumkin?
3. Tabiiy resurslar, odatda, tabiiy muhitdan ajratib olingan holda 
foydalanishi nazarda tutilgan.
Sun’iy muhitdagi tabiiy resurslarga nisbatan mulk huquqini 
tushuntirib bering.
4. Ekologiya huquqi va fuqarolik huquqi o‘rtasida mulk masalalari 
o‘ziga xos xususiyati bilan ajralib turadi. Tabiiy resurslarga nisbatan 
ashyoviy huquqlar deganda nimani tushunasiz?
 

---

55 
 
4
-
 BOB. INSONNING EKOLOGIK HUQUQ VA 
MAJBURIYATLARI 
 
Insonning ekologik huquq va majburiyatlar tushunchasi va mohiyati. 
Insonning ekologik huquqlari subyektlari va tizimi. Insonning ekologik 
huquq va majburiyatlarining konstitutsiyaviy-huquqiy asoslari 
 
Insonning ekologik huquq va majburiyatlari tushunchasi va 
mohiyati
O‘zbekistonda mustaqillik yillarining dastlabki paytlaridayoq inson 
ekologik huquqlarini qonunlarda mustahkamlashga katta e’tibor berilgan. 
Bunday huquqlarning davlat tomonidan tan olinganligi barcha inson 
huquqlariga to‘liq e’tibor berilganligini, siyosiy hokimiyat yanada 
insonparvar mohiyat kasb etayotganligini, atrof muhitni muhofaza qilish 
ishlariga inson huquqlari nuqtayi nazaridan yondashilayotganligini 
bildiradi.