Тошкент давлат юридик университети тадбиркорлик (бизнес) ҲУҚУҚИ

 
деган ном билан ҳам аталади. 
Хўжалик ширкатлари. 
Тўлиқ ширкат
 
иштирокчилари ўртасида 
тузилган шартнома бу турдаги ширкатнинг таъсис ҳужжати 
ҳисобланади. Фуқаролик кодексида таъсис шартномасининг ёлғиз ўзи 
тарафларнинг эркини ва улар ўртасидаги муносабатларнинг 
хусусиятларини тўлиқ ифода этадиган ҳужжат сифатида тан олинади. 
Таъсис шартномасининг мазмуни 
ФК 43-моддасининг 4-қисмидаги
шартлар билан белгиланади. Айни пайтда қонун бошқа шартларни 
назарда тутишни ман этмайди. 

---

V БОБ. Тадбиркорлик фаолиятининг мулкий асослари
161 
Тўлиқ ширкатни тавсифловчи асосий белги иштирокчилар 
ширкатнинг мажбуриятлари бўйича чекланмаган солидар жавобгар
 
бўлишидан иборат. Ширкат иштирокчилари бир-бирларига ишонган 
ҳолда фаолият юритадилар. 
Тўлиқ 
ширкат 
фаолиятини 
бошқаришда 
ширкат 
иштирокчиларининг умумий розилиги талаб қилинади. Таъсис 
шартномасида кўпчилик овоз билан қарор қабул қилиш мумкинлиги 
назарда тутилган бўлиши мумкин. Бундай ҳолда шартномада қайси 
муаммолар бўйича кўпчилик овознинг бўлиши зарурлиги, шунингдек 
бу кўпчилик оддий ёки мураккаб (малакали) кўпчиликдан иборат 
эканлиги (масалан, иштирокчиларнинг умумий сонидан тўртдан бир 
ёки учдан бир қисмининг овози) аниқ кўрсатилган бўлиши керак. 
Умумий қоидага биноан, ҳар бир иштирокчи битта овозга эга бўлади. 
Лекин тўлиқ ширкатнинг таъсис шартномасида овозлар бошқа 
тартибда, масалан, қўшилган ҳиссанинг миқдорига нисбатан карра 
сифатида ҳам белгиланиши мумкин. 
Хўжалик 
ширкати 
фаолияти 
билан 
боғлиқ 
ширкат 
иштирокчисининг бурчи ҳар хил шаклда амалга оширилиши мумкин. 
Ширкат фаолиятини амалга оширишда иштирокчининг шахсан ўзи 
қатнашиши зарурлиги қонунда назарда тутилмаган. Таъсис 
шартномасида айрим иштирокчиларнинг ширкат фаолиятида фақат 
қўшган ҳиссалари билан иштирок этиши мумкинлиги назарда 
тутилган бўлиши мумкин.