Toshkent davlat yuridik universiteti shaxsiy rivojlanish

 
Huquqshunosning professional faoliyatida tashabbuskorlik, 
yaratuvchanlik va ijodiy yondashuvning o‘rni 
 
Huquqshunos o‘z faoliyati davomida bir necha alohida jabhalarda ham 
ish olib boradi. Jumladan, norma ijodkorligi, ilmiy faoliyat olib borish, 

---

39 
ommaviy axborot vositalariga turli xil intervyular berish, qonun hujjatlari va 
boshqa normativ-huquqiy hujjatlarga munosabat bildirish va boshqalar. 
Huquqshunos muntazam ravishda faqat huquq bilan shug‘ullanishi 
maqsadga muvofiq emas. Eng ko‘p talab etiladigan masala bu, albatta, 
norma ijodkorligi hisoblanadi. Huquqshunos o‘zining tashabbuskorligi, 
yaratuvchanligini ishga solishi va jamiyat hayotiga o‘zining ma’lum 
ma’nodagi hissasini qo‘shishi maqsadga muvofiqdir. Aks holda, 
huquqshunos yetuk mutaxassis bo‘lishi gumon ostida qoladi. Shuning 
uchun ham huquqshunos o‘zining bunday hislatlarini rivojlantirishi, ulardan 
unumli foydalangan holda muvaffaqiyatli karyerasini yaratishi lozim.
Shuni ham unutmaslik lozimki, har qanday tashabbus o‘ziga xos 
qiyinchilik va mas’uliyatni keltirib chiqaradi, aniqrog‘i, o‘zi bilan birga
yetaklab keladi. Misol uchun, normativ-huquqiy hujjat loyihasini ishlab 
chiqish – mushkul va ko‘p mehnat talab etadigan jarayondir. Tashabbus 
ko‘rsatilgan paytdan toki zimmaga olingan maqsadga erishilmaguniga qadar 
huquqshunos barcha chora-tadbirlarni amalga oshirishi zarur. Agar 
huquqshunos bu jarayonni oxirigacha amalga oshirmasa, ko‘rsatgan 
tashabbusi uni “jazolanishga” olib kelishi mumkin. 
Shuningdek, huquqshunosning o‘z kasbi va ishiga ijodiy yondashishi 
o‘zining yaratuvchanlik ruhida rivojlanishiga xizmat qiladi.
Nazorat uchun savollar 
1.
 
Sizga O‘zbekiston Respublikasi Konstitutsiyasining 78-moddasiga 
o‘zgartish va qo‘shimchalar kiritish bo‘yicha loyiha ishlab chiqish 
topshirig‘i berildi. Siz berilgan topshiriqni muvaffaqiyatli bajarish uchun 

---

40 
qanday harakatlarni amalga oshirgan bo‘lardingiz? Bu jarayonda qanday 
shaxsiy xislatlar qo‘l kelishi mumkin?