Toshkent davlat yuridik universiteti shaxsiy rivojlanish

Misol uchun, kitob yozyapsizmi? Har kuni bir sahifadan matn 
tayyorlang!
Shaxsiy telegram-kanal haqida orzu qilyapsizmi? Har kun post 
yozing!
Agar kunlik rejani amalga oshirmasangiz, demak siz 100 foiz 
qoidasini qo‘llamadingiz. 100 foiz qoidasini qo‘llaganingizda edi, kunlik 
rejani bajarmaganingiz uchun kechasi uxlay olmagan bo‘lardingiz. 
Albatta, dastavval bu qiyindek tuyulishi mumkin. Biroq ishingizni 
har kuni 99 foizga bajarib, o‘zingiz bilan kurashgandan ko‘ra, 100 foiz 
qoidasiga moslashganingiz afzal. Maqsadga erishishda o‘z kamchiliklari 
bilan juda uzoq vaqt kurashadiganlar uchun 100 foiz qoidasini hayotga 
tatbiq qilishda 3 qadam usulidan foydalanish taklif etiladi.
100 foiz qoidasini qanday qo‘llash mumkin?
 
1. 100 foiz bajarilishi talab etiladigan rejaga qat’iy rioya etish.
 

---

34 
Rejalaringizning aynan qaysi biri 100 foiz qoidasini qo‘llashni talab 
qilishini anglab yetishingiz kerak. Asosan bunday masala kundalik 
rejalarda namoyon bo‘ladi. Bunday rejalarni, odatda, nisbatan osonroq 
uddalash mumkin.
Kishi o‘z oldiga qanday maqsadni qo‘ygani (masalan, til o‘rganish 
yoki sport bilan shug‘ullanish)dan kelib chiqib, kunlik rejani amalga 
oshirishga ongli ravishda kirishishi lozim.
Biroq, shuni unutmaslik lozimki, 100 foiz qoidasini qo‘llash bu – 
atrofdagi qolgan barcha narsalardan voz kechish, degani emas. Ish – o‘z 
o‘rnida, hordiq – o‘z o‘rnida, ta’lim olish ham chetda qolmasligi zarur.
2. 100 foiz qoidasi ish berishiga ongli ravishda imkon yaratish.
 
100 foiz qoidasini qo‘llab, aynan qaysi maqsadga erishish 
kerakligini aniqlab olish va inson ularni amalga oshirishga ongli 
ravishda oqilona yondashishi zarur. Ya’ni shaxs kichik rejalarni amalga 
oshirish yo‘llari va istiqbollarini aniq ishlab chiqishi lozim.
Masalan, sizning maqsadingiz – kitob yozish.
Agar kitob yozishni tezroq tugatmoqchi bo‘lsangiz, o‘z oldingizga 
har kuni bir sahifadan matn yozishni maqsad qilib qo‘ying. Shunda hafta 
oxirida 7 sahifalik matn tayyor bo‘ladi. Agar mazkur 7 sahifani 
yakshanba kuni birato‘la yozishni maqsad qilsangiz, bir kunlik mehnat 
yuklamangizni keskin oshirib yuborish tufayli uni to‘liq amalga oshirish 
imkonsiz bo‘lib qoladi. 
Ko‘p yoki kam yozish haqida o‘ylamaslik mumkin. Shunchaki, 
ishga kirishish va rejaga muvofiq belgilangan sahifani yozish, undan 
kam ham emas, ko‘p ham emas – rejaga ko‘ra 100 foiz amalga oshirish 
tez orada o‘zining samarasini bermay qolmaydi.

---

35 
Eng asosiysi – to‘xtab qolmaslik. Biror bir sohada muvaffaqiyatga 
erishgan omadli kishilar ishga o‘zlarini to‘liq bag‘ishlaganliklari uchun 
ham o‘sha natijalarni qo‘lga kiritishgan. Shu bois 100 foiz qoidasi natija 
berayotganini seza boshlasangiz, uni yo‘qotmaslikka harakat qiling va 
qoidani qo‘llashda davom eting.