Toshkent davlat yuridik universiteti mamasiddiqov muzaffarjon musajonovich esanova zamira normurotovna

Sud buyrug‘ining xulosa qismida quyidagilar ko‘rsatilishi lozim: 
•  talabni qondirish uchun asos bo‘lgan qonun; 
•  undirilishi lozim bo‘lgan pul summasining miqdori yoki talab qilib 
olinishi  lozim  bo‘lgan  ko‘char  mol-mulkning  qiymati  ham  ko‘rsatilgan 
holdagi belgisi: 
•  agar qonunda yoki shartnomada neustoyka undirish nazarda tutilgan 
bo‘lsa, neustoyka miqdori; 
•  qarzdordan undirilishi lozim  bo‘lgan davlat bojining summasi;  
•  arz  qilingan  talabga  qarshi  qarzdor  tomonidan  e’tiroz  bildirish 
muddati va tartibi. 
Voyaga yetmagan bolalar uchun alimentlar undirish to‘g‘risidagi sud 
buyrug‘ida  178-moddaning  1-5,  9,  10-bandlarida  nazarda  tutilgan 
ma’lumotlardan  tashqari  quyidagilar  ko‘rsatiladi:  qarzdorning  tug‘ilgan 
sanasi  va  joyi,  ta’minoti  uchun  aliment  undirilishi  lozim  bo‘lgan  har  bir 
bolaning  ismi  va  tug‘ilgan  sanasi,  qarzdordan  har  oyda  undiriladigan 
to‘lovlar mikdori hamda ularni undirish muddati.
 
Sud  buyrug‘ining  yozuvidagi  xatolarni  va  ochiq  ko‘rinib  turgan 
arifmetik  xatolarni  tuzatish  sudning  tashabbusi  yoxud  undiruvchi-ning 
yoki  qarzdorning  arizasi  bo‘yicha  ushbu  buyruq  qanday  tartibda  berilgan 
bo‘lsa, shunday tartibda sudning ajrimi asosida amalga oshiriladi.