Toshkent davlat yuridik universiteti jinoyat huquqi

Jinoyat sodir etish vaqti
– ijtimoiy xavfli qilmish sodir etilgan payt. 
Moddiy tarkibli jinoyatlarda jinoyat tamom bo‗lgan vaqtni aniqlash uchun ijtimoiy 
xavfli oqibat yuz bergan paytni aniqlash lozim. Ayrim jinoyat normalarida mazkur 
belgi zaruriy ahamiyatga ega. Jumladan, JKning 99-moddasida onaning o‗z 
chaqalog‗ini tug‗ish vaqtida yoki tug‗ilishi hamon qasddan o‗ldirganligi uchun 
javobgarlik belgilangan.
O‗zbekiston Respublikasi JK Maxsus qism normalari dispozitsiyalarida 
jinoyat tamom bo‗lgan vaqti jinoyat tarkibining boshqa belgilarini tavsiflashda 
qonun chiqaruvchi, qoida tariqasida, aniq tushuntirish beradi. Masalan, JKning 
287-moddasi (harbiy qism yoki xizmat joyini o‗zboshimchalik bilan tashlab 
ketish)da qilmishni sodir etish vaqti aniq chegaralangan – bir sutkadan ortiq, lekin 
o‗n sutkadan ortiq bo‗lmagan muddat. Ushbu tushunchalar yetarlicha aniq va ravon 
belgilangan bo‗lib, obyektiv tomon belgilarining miqdor va mazmunini aniq 
ko‗rsatib, jinoyat qonunini to‗g‗ri qo‗llashga xizmat qiladi.