Toshkent davlat yuridik universiteti jinoyat huquqi

Voyaga yetmaganlarga jazo tayinlash
– jinoyat sodir etishda qonunda 
belgilangan tartibda aybli deb topilgan voyaga yetmagan shaxsga nisbatan JK 
Maxsus qism moddasi sanksiyasida nazarda tutilgan jazoni (majburlov chorasini) 
qoʼllanilishi.
Xafvli retsidiv jinoyat
– shaxsning qasddan ilgari sodir etgan jinoyati uchun 
sudlangandan keyin (sudlanganlik muddati tugamasdan turib) sodir etgan 
jinoyatiga aynan oʼxshash yangi jinoyatni qasddan sodir etishi.
Xato
– shaxs oʼzi sodir qilgan qilmishining yuridik va faktik holatlariga 
nisbatan adashishi. 
Xizmat boʼyicha cheklash
– sud hukmida koʼrsatilgan muddat davomida 
harbiy xizmatchini muayyan huquq va imtiyozlardan mahrum qilib, pul 
taʼminotining maʼlum miqdorini davlat daromadi hisobiga ushlab qolgan holda 
majburiy xizmatga jalb qilishdan iborat boʼlgan jazo turi. 
Yarashilganlik munosabati bilan jinoiy javobgarlikdan ozod qilish
– 
jinoyat qonunida belgilangan tartibda jinoyat sodir etilishi natijasida jabr koʼrgan 
shaxs (jabrlanuvchi) bilan jinoyat sodir etishda aybdor deb topilgan shaxsning 
yarashishi natijasida aybdorni sud ajrimi asosida javobgarlikdan ozod qilish. 
Zaruriy mudofaa
– shaxs oʼziga, boshqa shaxsga yoki jamiyat va davlat 
manfaatlariga qarshi qaratilgan qonunga xilof tajovuzlarni tajovuzchiga zarar 
yetkazgan holda himoya qilish chogʼida qilgan harakatiga aytiladi.