Toshkent davlat yuridik universiteti jinoyat huquqi

Sudlanganlik holatining tugallanishi uchun qonunda ikki shart 
belgilangan: a) shaxs asosiy va ko‟shimcha jazoni o‟tab bo‟lgan va undan 
ozod qilingan kunidan boshlab qonunda ko‟rsatilgan muddatlarni o‟tishi 
talab qilinadi. Bu muddatlar o‟talgan jazo turiga bog‟liq bo‟ladi; b) 
sudlanganlik holatini tugallangan deb topish uchun shu muddatlar ichida 
shaxsning yangi jinoyatlar sodir etmasligi talab qilinadi. 
 

---

226 
JKga ko‗ra shaxs shartli hukm qilinganda, sudlanganlik muddati bir yildan 
uch yilgacha bo‗lgan sinov muddati o‗tgandan so‗ng tugallangan hisoblanadi. Agar 
shartli hukm qilingan shaxsga nisbatan qo‗shimcha jazo chorasi qo‗llanilgan 
bo‗lsa, sudlanganlik qo‗shimcha jazo muddati tugagach tamom bo‗lgan 
hisoblanadi.
Xizmat bo‗yicha cheklash jazosi harbiy xizmatni kontrakt bo‗yicha 
o‗tayotgan harbiy xizmatchini sud hukmida ko‗rsatilgan muddat davomida 
muayyan huquq va imtiyozlardan mahrum qilib, pul ta‘minotining o‗n foizidan 
o‗ttiz foizigacha bo‗lgan miqdorini davlat daromadi hisobiga ushlab qolishdan 
iboratdir. Ushbu jazo chorasi ikki oydan uch yilgacha muddatga qo‗llanadi va bu 
muddat tugagach, sudlanganlik muddati tugagan hisoblanadi.
Intizomiy qismga jo‗natish jazosi ham muddatli harbiy xizmatchilarga uch 
oydan bir yilgacha muddatga qo‗llanadi. Bu jazoni o‗tab bo‗lingach sudlanganlik 
muddati ham avtomatik tarzda tugaydi.
Shaxs o‗n besh yil va undan ortiq muddatga ozodlikdan mahrum qilish 
jazosini o‗tab chiqqanidan so‗ng, shuningdek o‗ta xavfli retsidivist deb topilgan 
shaxslarga nisbatan, agar ular jazoni o‘tab chiqqanidan 15 yil mobaynida yangi 
jinoyat sodir etmasalar, sud ularning sudlanganligini olib tashlashi mumkin.