Toshkent davlat yuridik universiteti jinoyat huquqi

15.3.
Jazolarni qo„shishning hisoblash qoidalari
 
JKning 61-moddasida mustahkamlangan bo‗lib, unga ko‗ra har xil turdagi 
asosiy jazolarni qo‗shganda ozodlikdan mahrum qilishning bir kuni: a) ozodlikni 
cheklash yoki intizomiy qismga jo‗natishning bir kuniga; b) axloq tuzatish ishlari 
yoki xizmat bo‗yicha cheklashning uch kuniga: d) majburiy jamoat ishlarining to‗rt 
soatiga to‗g‗ri keladi. Jarima yoki muayyan huquqdan mahrum qilish tariqasidagi 
jazolar ozodlikdan mahrum qilish, intizomiy qismga jo‗natish, ozodlikni cheklash, 
xizmat bo‗yicha cheklash, axloq tuzatish ishlari jazolari bilan qo‗shilganda har 
qaysisi alohida ijro etiladi. 
Demak, ozodlikdan mahrum qilish jazosi jazolar muddatini hisoblashda 
asosiy mezon bo‗lib xizmat qiladi va axloq tuzatish ishlari, ozodlikni cheklash, 
xizmat bo‗yicha cheklash, majburiy jamoat ishlari kabi jazolarni mutanosibligi 
ozodlikdan mahrum qilish jazosi asosida belgilanadi. Masalan, ozodlikdan mahrum 
qilish jazosi 1 oy kun tayinlangan bo‗lsa, bu jazo 3 oy axloq tuzatish ishlariga, 40 
soat majburiy jamoat ishlariga teng bo‗ladi. Bir necha jinoyat sodir etganlik uchun 
ozodlikni cheklash, axloq tuzatish ishlari, xizmat bo‗yicha cheklash yoki majburiy 
jamoat ishlariga hukm qilinib, ish haqi yoki pul ta‘minotidan davlat foydasiga turli 
foizlar ushlab qolish nazarda tutilganda bu jazolarning faqat muddatlari qisman 
yoki to‗liq qo‗shiladi.
Extiyot chorasi ayblanuvchi, sudlanuvchi surishtiruvdan dastlabki 
tergovdan va suddan buyon tovlashining oldini olish; uning bundan buyongi jinoiy
faolyatining oldini olish; uning ish bo‘yicha haqiqatni aniqlashga halal beradigan 
urinishlarga yo‘l qo‘yilmasligi; hukmning ijro etilishini ta‘minlash maqsadida
qo‘llaniladi. Ayblanuvchi, sudlanuvchi sodir etgan, Jinoyat kodeksi 15-
moddasining to‘rtinchi va beshinchi qismlarida nazarda tutilgan jinoyatning 
xavfliligi tufayli surishtiruvdan, dastlabki tergovdan va suddan yashirinishi 
mumkin degan o‘rinli taxmin ham qamoqda saqlash tarzdagi ehtiyot chorasini 
tanlash uchun bo‘lishi mumkin. 
JKning 62-moddasidagi