Toshkent davlat yuridik universiteti jinoyat huquqi

18.2.
 
Sudlanganlikning tugallanishi 
Sudlanganlik instituti ogohlantirish ahamiyatiga ega bo‗lib, kriminologik 
ma‘lumotlarga asoslanadi
31
. Demak, sudlanganlik ilmiy asoslangan ma‘lumotlarga 
tayanadi, uning muddati jinoiy javobgarlik maqsadiga erishish uchun yetarli 
bo‗ladi va belgilangan muddatning o‗tishi bilan shaxs o‗zining ijtimoiy xavfliligini 
yo‗qotadi.
Qonunda belgilangan muddatning o‗tishi bilan sudlanganlik tamom bo‗ladi. 
JKning78-79-moddalariga muvofiq, sudlanganlikning tamom bo‗lishi
 
ikki shaklda 
namoyon bo‗ladi: birinchidan, sudlanganlik holatining tugallanishi; ikkinchidan, 
sudlanganlikni olib tashlash (sud tomonidan).
Qonunda belgilangan muddatning o‗tishi bilan avtomatik ravishda 
sudlanganlik holati tugallangan hisoblanadi va buning uchun hech qanday hujjat 
talab qilinmaydi. 
 
O‗zbekiston Respublikasi Oliy Sudi Plenumining 2015-yil 18-sentabrdagi
13-sonli ―Sudlanganlik holati tugallanishi va olib tashlanishiga oid qonunchilikni 
qo‗llash bo‗yicha sud amaliyoti to‗g‗risida‖gi qarorining 2-bandiga ko‗ra, quyidagi 
hollarda shaxs sudlanmagan hisoblanadi, agar unga nisbatan: jazo tayinlanmagan 
holda ayblov hukmi chiqarilgan (JK 70, 71, 76-moddalari) yoxud shaxs bir 
vaqtning o‗zida asosiy va qo‗shimcha jazodan birinchi, apellyatsiya, kassatsiya 
yoki nazorat instantsiyasi sudi tomonidan ozod qilingan (JK 69, 75, 76-moddalari) 
bo‗lsa; tibbiy yo‗sindagi majburlov choralari qo‗llanilgan bo‗lsa (JK 94-moddasi).