Toshkent davlat yuridik universiteti jinoyat huquqi

Aybni bo„yniga olish to„g„risidagi arz qilish
– ariza beruvchining o‗zi sodir 
etgan jinoyati to‗g‗risida u shu jinoyatni sodir etishda gumon qilinmasdan va unga 
ayblov e‘lon etilmasdan oldin bergan xabaridir. 
Aybini bo‗yniga olish to‗g‗risidagi arz og‗zaki, yozma yoki elektron shaklda 
bo‗lishi mumkin. Surishtiruvchi, tergovchi, prokuror yoki sud og‗zaki xabarni 
bayonnomada aks ettiradi, unga arz qiluvchining shaxsiga doir ma‘lumotlar 
kiritiladi va unda arzning mazmuni birinchi shaxs nomidan bayon qilinadi. 
Bayonnomaga arz qiluvchi va surishtiruvchi, tergovchi, prokuror yoki sudya imzo 
chekadi. Aybini bo‗yniga olish to‗g‗risidagi arz davlat tilida va boshqa tillarda 
berilishi mumkin. 
Aybni bo‗yniga olish to‗g‗risidagi arzning asosiy sharti bu vakolatli 
organlarga ma‘lum bo‗lmagan jinoyat haqida ixtiyoriy murojaat qilishda 
ifodalanadi. Qo‗zg‗atilgan jinoyat ishi yuzasidan qidiruvda bo‗lgan shaxsni o‗z 
ixtiyori bilan tergov organlariga kelishi aybni bo‗yniga olish to‗g‗risida arz sifatida 
baholanmaydi. Bunda shaxs o‗z qilmishi uchun qonun oldida javob berish uchun 
qonunga itoatkorlik qilib, tergov organida hozir bo‗lganini tushunish lozim.