Тошкент Давлат Тиббиёт Академияси

Болалар ва ўсмирлар гигиенаси
Гигиена фанининг бу бўлими ўсувчи организмга атроф муҳитда бор бўлган турли омилларнинг таъсирини ўрганиш ва олинган маълумотлар асосида болалар ва ўсмирлар организмига мослаштирилган ҳолда илмий асосланган гигиеник нормативларни, тавсияларни ишлаб чиқиш ва шунга мувофиқ соғломлаштириш тадбирларини ишлаб чиқиб хаётга тадбиқ қилиш вазифасини бажариши лозим.
Болалар ва ўсмирлар гигиенаси фанининг асосий вазифалари қаторига:
1.Ўсувчи организмнинг ўзига хос морфологик ва функционал хусусиятларини ҳисобга олиб гигиеник меъёрлар ишлаб чиқиш ва бунда ҳар бир ёш даврларини инобатга олиш вазифалари:
-болалар ва ўсмирларни тарбиялаш ва ўқитиш шароитларини рационал (оқилона) ташкил қилиш ва мувофиқлаштириш;
-болалар ва ўсмирлар фаолиятини регламентлаш;
-болалар ва ўсмирларнинг овқатланишини такомиллаштириш;
-болалар ва ўсмирларнинг шахсий гигиенаси;
2.Болалар ва ўсмирларга тиббий хизмат кўрсатишни такомиллаштириш, жумладан:
-болалар ва ўсмирларнинг жисмоний ривожланишини сифатли назорат қилишни таъминлаш;
-болалар ва ўсмирларнинг саломатлик ҳолатларини назорат қилиш ва диспансеризацияни амалга ошириш;
-соғломлаштириш тадбирларини амалга ошириш.
Болалар ва ўсмирлар гигиенаси бўлимининг текширув объектлари:
1. Болалар муассасалари, ўқув юртларини қуриш учун ер участкаси ажратилишида иштирок этиш ва хулосалар бериш.
2. Юқорида қайд этилган объектларни лойиҳалаш, қуриш, қайта қуриш, уларни фойдаланишга топшириш чоғида санитария нормалари, қоидалари ва гигиеник нормативларга амал қилинганлигини назорат этиш ва хулосалар бериш.
3. Болалар мебели, ўйинчоқ, китоб, кийим ва шахсий фойдаланиш
асбобларини жорий қилиш ва ишлаб чиқариш даврида санитария
назоратини ўтказиш.
4. Болалар ва ўсмирларни ўқитиш ва тарбия қилиш, овқатланиш, дам
олиш шароитларини (кун тартибини, ўқув жадвалини) санитария ва
гигиеник жиҳатдан баҳолаш.
5. Мактабгача бўлган тарбия муассасалари, мактаб - лицей, мактаб-интернат, болаларни соғломлаштириш муассасаларида ва шу каби болалар ва ўсмирларнинг мактабдан ташқари объектларида тиббий хизмат
ташкил этилганлигини, санитария-гигиена ва эпидемияга қарши
кураш қоидаларига риоя қилинаётганлигини назорат остига олиш.
6. Полимер материалларни қўлланилишини, болалар мебели, кийим-
кечак, китоб, ўйинчок, кундалик асбобларни ишлаб чиқарилишини
назоратга олиш.
7. Ўсмирларга касб танлаш тўғрисида маслаҳат бериш.
8. Ишчи ўсмирларнинг турмуш, меҳнат шароитларини, уларга
тааллуқли меҳнат қоидаларига риоя қилишни назорат остига олиш.
9. Болалар муассасалари ходимларининг профилактик тиббий
кўрикларини ўз вақтида ўтказилишини назорат қилиш.
10. Мактабгача тарбия муассасаларидаги болаларни, мактаб,
лицейлар, билим юртлари, колледж, касб-хунар лицейларида ўқиётган ўқувчиларни тиббий кўрикдан ўз вақтида ўтказилишини ташкил қилиш.


11. Болалар ва ўсмирларнинг касалликларини, жисмоний
ривожланишини ўрганиш уларга таъсир қиладиган омилларни
аниқлаш: болалар ва ўсмирларни гармоник ривожланиши бўйича
санитария-гигиеник чора-тадбирларнинг ишлаб чиқиш.