Тошкент Давлат Тиббиёт Академияси

Овқатланиш гигиенаси
Овқатланиш гигиенаси – гигиена фанининг бўлими бўлиб, озиқ-овқат маҳсулотларининг сифати ва уларнинг инсон организмига таъсирини аниқлаш билан биргаликда, аҳолининг саломатлик ҳолатини яхшилашга қаратилган озиқ-овқат маҳсулотларига қўйилган талаблар, уларни тайёрлаш, сақлаш ва қўллашга қаратилган санитар-гигиеник меъёрий кўрсаткичларни ўргатувчи фан.
Овқатланиш гигиенаси бўлимининг текширув объектлари:
1. Мулкчиликнинг шаклларидан қатъий назар, озиқ-овқат маҳсулотлари
ва озиқ-овқат хомашёси ишлаб чиқариш, уларни сақлаш, ташиш,
сотиш билан шуғулланувчи корхоналар, муассасалар, ташкилотлар,
бирлашмаларни қуриш учун ер участкасини ажратишда иштирок
этиш ва хулосалар бериш.
2. Қайд этилган идоралар, корхоналар, муассасаларни лойиҳалаштириш,
қуриш, қайта қуриш, янгилаш ва уларни фойдаланишга топшириш
чоғида санитария нормалари ва гигиена нормативларига амал
қилинганлигини назорат этиш ва хулосалар бериш.
3. Янги озуқа қўшимчаларини махсус қўшиладиган биологик актив
моддаларни, озиқ-овқат маҳсулотлари сақланадиган идишларни
янги турларини ишлаб чиқишда ва қўллашда уларнинг заҳарлилиги
ва гигиенаси жиҳатдан баҳолаш.
4. Озик-овқат маҳсулотларини ишлаб чиқариш, транспортировка қилиш,
сақлаш ва тарқатишда санитария - гигиена нормаларига риоя қилишни
назорат остига олиш.
5. Маҳсулот ишлаб чиқаришни, идишлар, озиқ-овқат маҳсулотлари,
ўраш материалларини санитария талаблари нуқтаи назаридан текшириш.
6. Умумий овқатланиш объектлари, сут, гўшт саноат корхоналари,
савдо-сотиқ тармоқлари устидан санитария-гигиена ва лаборатория
назоратини ўтказиш.
7. Алиментар йўл билан келиб чиқиши мумкин бўлган юқумли
касалликларни ва озик-овқатдан заҳарланишларнинг профилактик
тадбирларини ишлаб чиқиш.
8. Сут, гўшт заводлари, озиқ-овқат дўконлари, овқатланиш
объектларида ишчиларнинг саломатлигини ва уларнинг профилактик
тиббий кўрикдан ўз вақтида ўтишларини назорат қилиш.
9. Ҳар хил табақалардаги аҳолининг ўзига хос бўлган физиологик
хусусиятларини қайд қилиб оқилона овқатланиш тадбирларини
ишлаб чиқиш ва амалга ошириш.