Toshkent davlat texnika universiteti tasdiqlayman

Lyugol eritmasi quyidagn tarkibga muvofiq tayyorlanadi:
Kristall yod-1 g.
Kaliy yodid-2 g.
Distnllangan suv-300 ml.
Avval kaliy yodid 5-10 ml suvda eritiladi, soʻngra yod eritiladi, shundan keyin distillangan suv 300 ml gacha qoʻshiladi.
Gram usulida boʻyash texnikasi. 1. Fiksatsiya qilingan preparatga bir parcha filtr qogʻozi yopilib, ustiga gensianviolet eritmasi quyiladi. Preparat 1-2 minut ichida boʻyaladi.
2. Boʻyoq toʻqiladi va preparatni suv bilan yuvmasdan, tamomila qorayguncha, yani bir minut Lyugol eritmasi quyiladi.
3. Lyugol eritmasi toʻkib tashlanadi, preparatni yuvmasdan bir necha (20-30) sekund 96°C li spirt quyilgan stakanchaga botiriladi yoki preparatga 96°C li spirtdan quyiladi. Gunafsha boʻyoq oqimlari chiqib ketguncha preparatning rangi ketkaziladi.
4. Spirt suv bilan obdon yuvib tushiriladi.
5. Preparat suyultirilgan fuksin bilan 30-60 sekund ichida batamom boʻyaladi. Boʻyoq suv bilan yuvib tushiriladi, preparat quritiladi va mikroskopda koʻriladi. Grammusbat mikroblar toʻq gunafsha rangga, Grammanfiy mikroblar esa qizil (pushti) rangga boʻyaladi.
Gram usulida boʻyash uchun Sinev modifikatsiyasini tatbiq etish, ya’ni gensianviolet eritmasi quyish oʻrniga oldindan shu boʻyoq shimdirilgan filtr qogʻozdan foydalanish ham mumkin. Buning uchun gensianviolet eritmasi shimdirilgan filtr qogʻoz parchasi buyum oynasidagi fiksatsiya qilingan preparat ustiga yopiladi va uning ustidan (1-2 minutgacha) bir necha tomchi suv quyiladi, soʻngra qogʻoz parchasi tashlanadi va boʻyash yuqorida tasvir etilgandek davom ettiriladi.
Stafilokokklar, streptokokklar, ba’zi bir tayoqchalar: difteriya tayoqchasi, hamma sporali bakteriyalar (kuydirgi, qoqshol tayoqchalari va hokazo), achitqilar (drojji), nursimon zamburugʻlar Gram usulida boʻyaladi (Grammusbat mikroblar). Gonokokklar, meningokokklar, koʻpchilik tayoqchalar, vibrionlar, spirillalar, spiroxetalar, rikketsiyalar Gram usulida boʻyalmaydi (Grammanfiy mikroblar).