Toshkent davlat texnika universiteti olmaliq filiali

IV. Ilmiy amaliyot (stajirovka)ni о‘tish jarayoni
Talaba konchilik korxonalarining joylashgan hududni о‘rganishi, uning ob-havo sharoitini, konning geologik va gidrogeologik xarakteristikasini, foydali qazilmaning sifatini va undan oqilona foydalanish imkoniyatlarini bilishi kerak; foydali qazilma va qamrab olgan tog‘ jinslarining fizik-mexanik xususiyatlarini; DZQ tomonidan tasdiqlangan kon zaxiralari, konning qidiruv-о‘rganilganlik darajasi va uning xalq- xо‘jaligidagi ahamiyati, hamda foydali qazilma iste’molchilari haqidagi ma’lumotlarni о‘zlashtirishi zarur.
Talaba korxona bilan yaqinroq tanishish uchun sanoat maydonida va uning tashqarisida joylashgan zavod va boyitish fabrikalari, texnologik majmualar, sexlar, yer osti qurilmalarini kо‘rib chiqishi kerak. Tanishish jarayonida talaba asosiy diqqatini elektr ta’minoti sxemasiga, ta’mirlash-mexanik xizmat kо‘rsatuvchi sexlarga, elektr nimstansiyalariga, kompressor va ventilyator uskunalariga, yoritish jihozlariga va ulardan foydalanish sharoitlariga qaratishi kerak. Ilmiy amaliyot о‘tayotgan talaba konni ochish sxemasi va qazib olish tizimi uning о‘lchamlari, asosiy va yordamchi ishlab chiqarish jarayoni texnologiyalari, korxonada qо‘llanilayotgan kon-tashish jihozlari texnologik xarakteristikalari, hamda konchilik ishining joriy rivojlanishlari va istiqbollari bilan tanishdir. Shuning bilan bir qatorda talaba uchastkada ishning umumiy tashkil qilinishini, ishlab chiqarish va texnik jarayonlarning bir-biriga bog‘liq tomonlarini о‘rganadi.