Тошкент Давлат техника

Чорвачилик ферма ва комплексларнинг агрегатлари ва йиғма бирликлари. Фермаларни сув билан таъминлаш машина ва механизмларига поршенли, марказдан қочма ва чўктириладиган насослар, водопровод арматураси, сув йиғиш қурилмала ва б. киради.
Насослар уларни узатиши номинал узатишдан 30% га камайганда таъмирланади.
Характерли нуқсонлари: корпусдаги дарзлар, ишчи ғилдиракларнинг зиловчи белбоғларини, валларнинг ўтириш жойларини, зичловчиларнинг салникларини, думалаш подшипникларини ва шпонкалик бирикмаларни ейилиши.
Корпусдаги дарзлар куйдирувчи валиклар қўйиш билан пайванлаш ёки эпоксид смоласи асосидаги таркиблар билан ишлов бериш билан таъмирланади.
Водопровод арматураси. Кранларнинг, вентилларнинг ва задвижкаларнинг характерли нуқсонларига зичловчи сиртларни ейилиши натижасида герметиклигини йўқотилиши.
Герметиклик одатда притиркалаб тикланади. Зичловчи сиртларнинг ейилиши катта бўлган ҳолларда, улар дастлаб йўнилади. Арматурани притиркалаш учун М28, М14 ва М5 абразив микрокукунлари улардан мос равишда дағал, ўртача ва нафис притикалашда фойдаланилади. Якуний ишлов бериш ГОИ пасталарида олиб борилади.
Вентиллар ва задвижкалар 2-3 мин давомида стенда 1-1,6 МПА босимда (вентеллар) ва 2,5 МПа босимда (задвижкалар) синалади, бунда улардан сувнинг сизиб оқиши рухсат этилмайди.
Қозонлар ва буғ ҳосил қилувчилар. Характерли нуқсонлари: қасмоқнинг ёпишиб қолиши; буғ камераси деворларининг деформацияланиши ва қайнатиш трубаларини куйиши; барабаннинг ташқи кожухини эзилиши ва коррозион бузилиши; сақлагич клапанларининг гермитиклигини йўқотилиши; колосник панжараларининг куйиши; ўлчаш асбобларининг носозлиги. Қозонларнинг ва буғ ҳосил қилувчиларнинг 25 % дан ортиқ трубалари куйган ва иситиладиган ички сиртларнинг 15 % куйган бўлса, улар яроқсиз ҳисобланади.
Касмоқ кимёвий ва механик усулларда тозаланади. Кимёвий тозалаш учун хлрид кислотаси ёки ишқор эритмаларидан фойдаланилади. Қасмоқдан тозалаш тезлиги эритманинг температурасига боғлиқ. Эритманинг (70 °С) паст температурасида тозалаш давомийлиги 6-8 соатни ташкил қилади. Корбанат (СаСО₃, МgСО₃) ли ёпишмалар 2-8% лик хлорид кислотаси эритмасида тозаланади.
Силикатли ёпишмалар (SiO₂) дан тозалаш учун хлорид кислотасининг 6% эритмасига 2,5 % натрий фториди ёки аммоний фториди қўшилади. Сулфатли ёпишмалар кетма-кет ўйувчи натрийнинг 5...10% нинг эритмасида ва хлорид кислотасининг 5...6% эритмасидан фойдаланиб тозаланади. Кучли коррозияли шикастланишда, ёпишмаларнинг қалинлиги бир текис бўлмаганда, қозон ва трубаларнинг ички сиртлари дарз кетган бўлса, қасмоқдан тозалаш пневматик майдалагичлар, металл қирғичлар, шчеткалар ва махсус каллаклар ёрдамида тозаланади.