Тошкент Давлат техника

Генераторга техник хизмат кўрсатиш. Двигател юргизиб юборилгандан сўнг, аккумулятор батареясини зарядлаш учун генератордан берадиган токнинг қиймати амперметр бўйича аниқланади. Шуни назарда тўтиш керакки, асосий двигател юргизиб юборилгандан сўнг маълум муддатдан сўнг зарядлаш токининг йўқлиги, ҳар доим ҳам генераторнинг носозлигидан дарак бермайди, бу батарея соз ва тўлиқ зарядланганлигидан дарак беради.
Трактор ҳар 240 соат ишлагандан сўнг, ҳимоя тасмаси олиниб, шёткаларни коллекторга ётиш зичлиги, шчёткага пружинанинг босими ва коллектор сиртининг ҳолати текширилади. Динамометр ёрдамида текшириладиган пружинанинг нормал босими 9-12,5 Н, энг кичик рухсат этилгани босим эса 8 Н атрофида бўлиши керак. Баландлигининг 14 мм гача ейилган шчёткаларни алмаштириш талаб этилади. Янги шчёткалар коллектор сиртига майда №6 (донодорлиги 00) шишали чарим билан ишқалаб мослаштирилади. Чарим тасма шчётка ва коллектор орасига шундай қуйиладики, унинг шиша қатлами шчётка томонга қараган бўлиши керак. Тасма коллекторнинг айланишига қарши томонга шчётка ва колекктор ўртасига силлиқ силжитилиб, уни шчёткага тўлиқ тегишига эришилади. Тасма коллекторнинг 180º дан кам бўлмаган айланасини қамраши лозим. Шчёткалар ишқалаб мослангандан сўнг генератор сиқилган ҳаво билан пуркаланади.
Коллекторнинг ишчи сирти тоза бўлиши лозим. Ундаги ифлосликлар бензинда намланган латтада суртилади. Унча катта бўлмаган куйиш излари ва нотекис ейилишлар двигателни генератордан эчмасдан коллектор сиртини №6 - шиша чарм билан шлифовкалаб бартараф этилади. Генераторга қуйилган кенглиги коллектор узунлигига тенг бўлган чарим тасмаси келлекторни айланаси бўйича 180º га қамрайди ва генератор вали қўлда айлантирилади. Ишқалаб мослаштирилгандан сўнг генераторнинг ички қисмидан ва коллектор сиртидан шиша чангги сиқилган ҳавода тозаланади.
Коллекторда каттароқ миқдордаги ейилиш ва унинг сиртида ғадир-будирлик бўлса, генератор коллекторнинг ейилган сиртини йўниш учун устахонага юборилади. Нуқсонни бартараф этиш учун йўнишда металлнинг минимал қатлами олиб ташланади. Коллектор йўнилгандан сўнг металл кескич аррада пластиналари орасидаги изоляция қатлами 0,8 мм чуқурликка кесилади ва шиша чарм билан шлифовкаланади. Йўнишдан сўнг коллекторни вал сапфасига нисбатан тепиши 0,05 мм дан ошмаслиги керак.