Toshkent davlat stomatologiya instituti

Pastki birinchi oziq kichik tishi – yuqorgi premolyar tishlarga nisbat toj kismi kichikroq, ammo ildizi ancha uzun. SHakli va xajmi bilan qoziq tishga o‘xshab ketadi. Vestibulyar yuzasida ikkita dumboqni ajratish mumkin: vestibulyar va oral (til). Vestibulyar yuzasida uchta bolish mavjud. Tishning toj qismi til tarafga egilgan.Bu tish bir ildizli va ko‘ndalang kesimda bitta kanalga ega. Tish ildiz belgisi yaqqol ko‘rinadi. Pastki birinchi premolyarning umumiy uzunligi- 22 mm, toj qismi uzunligi – 8-8,5 mm, ildiz uzunligi – 12-13mm, medio-distal kesimi kengligi – 6,8 mm, vestibulo-tanglay kesimi – 7,6 mm.

Pastki ikkinchi kichik oziq tishi – birinchi premolyarga o‘xshash bo‘lgani bilan, bir muncha farqalari bor. Bu tish birinchi premolyardan kattaroq, til dumbog‘i xajmi xam katta, ikkita dumboqlari bo‘lishi mumkin. Bu xolatda chaynov yuzasida 3 ta dumboq mavjud bo‘ladi (vestibulyar, oral medial va distal), ularni ajratuvchi egat esa ancha chuqur. Tish toj qismida egrilik belgisi farqlanadi. Odatda ikkinchi premolyar uzun bitta ildizga ega, ko‘ndalang kesimda bitta keng va uzun kanal ko‘rinadi. Tish ildiz belgisi yaqqol ko‘rinadi. Pastki birinchi premolyarning umumiy uzunligi- 23 mm, toj qismi uzunligi – 8,5 mm, ildiz uzunligi – 13-17mm, medio-distal kesimi kengligi – 6,8 mm, vestibulo-tanglay kesimi – 7,6 mm.