Qabulxona strukturasi: 1. Kutish xonasi 2. Ko’rish xonasi 3. Izolyator yoki boks xonasi 4. Muolaja qilish xonasi 5. Sanitariya ko’rigidan o’tqazish xonasi 6. Uy kiyimlarini saqlash uchun xona 7. Bo’lim mudiri xonasi 8. Katta hamshira xonasi 9. Xo’jalik bekasi xonasi Qabul bo’limi shifoxonaga kirish oldida joylashgan bo’lib, eshiklari katta nosilka bilan bemalol kiradigan bo’lishi kerak. Tuzalib ketayotgan bemor yangi kelgan bemor bilan uchrashmasligi kerak. Ko’ruv xonasida bemorni ko’rish uchun maxsus stol, kushetka, shifokor va hamshira uchun stol bo’lishi kerak. Xar bir bemorni ko’rgandan keyin kushetka va maxsus stol ustini 0,5% xloramin eritmasida latta bilan ho’llab artiladi. Bemorni sanitariya ko’rigidan o’tqazish quyidagilarni ko’zda tutadi: -Gigienik vanna, dush yoki bemorni axvoli og’ir bo’lsa iliq suv bilan badanini artish. - Keyin bemorga shifoxona kiyimini kiyintirib, vaznini tortib, bo’yini o’lchab aniqlash. - Juda og’ir bemorlarni sanitariya ko’rigidan o’tqazmasdan reanimatsiya bo’limiga olib borish. -Oyoq- qo’l tirnoqlarini olish. -Pedikulyozga tekshirish. Agar boshda bit bo’lsa unda tuman SES ga xabar berish.
Do'stlaringiz bilan baham: |