Toshkent davlat sharqshunoslik universiteti egamberdiyeva mukarram shoolimovna klassik yapon adabiyoti

Mavzu bo’yicha savol va topshiriqlar.

1.Setsuva janri kelib chiqishi va ravnaqi omillarini sanab bering.

2.Setsuva janri xususiyatlari qanday.

3.“Konjyaku monogatari ” asarining badiiy xususiyati qanday.

Gunki janrining vujudga kelishi va uning xususiyatlari.

Reja

1. 
   Kamakura davri tasviri
   
2. 
   Kamakura davridagi adabiy jarayonlar
   
3. 
   Gunki janrining vujudga kelishi
   

Tayanch iboralar:

• 
  Kamakura
  
• 
  Gunki
  
• 
  Bushido
  
• 
  Kodeks
  
• 
  samuray
  

XI asrning ikkinchi yarmidan Yaponiyada uzoq va qonli ichki kurashlar davri boshlanadi.

Hokimiyat tepasiga Xeyan saroy zodagonlari oʼrniga xarbiylar, yapon

askarlari keladi. Xarbiy qatlam tomonidan uyushtirilgan siyosiy – itimoiy

toʼntarish adabiyot taqdirida ham katta oʼzgarishlarga olib keldi. Birinchi

navbatda oʼquvchilar davrasi oʼzgarib, adabiy hikoyalar yangi hukumat, yangi

madaniyat va yangi hayot yaratuvchilari – samuraylar uchun yaratila boshlandi.

Oʼquvchi umuman boshqa dunyoqarash ostida boshqa ijtimoiy muhitga tegishli

edi. Sekin – asta bu davra kengayib borib, oʼzining eski xarakterini yoʼqota

boshladi. Yangi muallif, yangi oʼquvchi, yangi muhit yangi adabiyotni dunyoga

keltirdi.

Bunday muhitda yangi xalq eposi yaraldi. Bu endi hudolar haqidagi

afsonalar emas, qahramonlar haqidagi hikoyalardir. XIII – XV asrlarda

voqea – hodisalar haqidagi afsonalar toʼplami va mashhur samuray

qahramonlardan iborat boʼlmish harbiy yilnomalar – gunki monogatari

asarlari mashhurlik darajasiga yetadi.

Gunki – toʼgʼridan toʼgʼri tarjimada xarbiy qaydlar boʼlib, oldingi

monogatarilar oʼrnini egallagan va ular bilan qisman bogʼliq boʼlgan

Kamakura davrining asosiy hikoyaviy – tasviriy janri hisoblangan.

Nomlanishidan kelib chiqilsa, yaʼni, shakli oldingilariga oʼxshagan. Lekin

boshqa tomondan bu ― gunkilar uslub jihatidan ham, mazmun jihatidan ham

oʼziga xos xususiyatlarga, xislatlarga ega boʼlgan.

Kamakura davridagi jangnomalar ichida koʻproq ajralib turadiganlari toʻrtta asar boʻlib bular: Xogen-monogatari, Xeydzi-monogatari, Xeyke-monogatari va Genpey-seysuykilardir. Bularning barchasi oʻsha oʻtish davri zodagonlar yakkahokimligini tanazzulga yuz tuttirgan va bir tomondan mamlakatni samuraylar tomonidan xarbiy boshqaruvga imkon bergan davr haqida soʻzlaydi. Bularning hammasi koʻtarilayotgan qatlam – jangchilar qatlami, uning sekin – asta kuchayib borishi, saroy zodagonlari bilan boʻlgan kurashlari va gʻalabalarini tasvirlaydi. Ayniqsa, uzoq vaqt bir – birlaridan birinchilik va hokimiyatni qoʻlga kiritish uchun tortishib kelgan ikkita asosiy qabila oʻrtasidagi kurash, oʻsha davr samuraylari – Minamoto va Tayra qabilalari kurashi hikoya qilingan.