Toshkent davlat sharqshunoslik instituti xorijiy mamlakatlar iqtisodiyoti va mamlakatshunoslik fakulteti

O’zbekiston Respublikasida faoliyat yuritayotgan xorijiy sarmoyalar ishtirokidagi korxonalar (sohalar bo’yicha)¹³

Mamlakatimizda 2013-yil uchun amalga oshirish belgilangan investitsiya dasturida moliyalashtirishning sezilarli qismi korxona mablag’lari (30 foiz) hamda to’g’ridan-to’g’ri xorijiy investitsiyalarni jalb etish (17 foiz) orqali amalga oshirilishi rejalashtirilgan edi. Tijorat banklari kreditlari va boshqa qarz mablag’lari, aholi mablag’lari, Tiklanish va taraqqiyot jamg’armasi mablag’lari hisobiga 2013-yilda jami investitsiya mablag’larining 29 foizi to’g’ri kelishi nazarda tutilgan. Bundan ko’rinib turibdiki, asosiy e’tibor korxona mablag’lari va to’g’ridan-to’g’ri xorijiy investitsiyalar ko’lamini oshirish va buning natijasida ishlab chiqarishning texnik va texnologik quvvatlarini modernizatsiya qilish, mehnat unumdorligini oshirish orqali aholining yuqori daromad olishiga erishish, shu asosda xalqimiz farovonligini yuksaltirish maqsad etib qo’yilgan.
3.2.2-diagramma
O’zbekiston Respublikasi investitsiya dasturining 2013-yil uchun belgilangan asosiy ko’rsatkichlari (milliard so’m)¹⁴

Mamlakatni modernizatsiya qilish va yangilash chora-tadbirlarini amalga oshirishning muhim sharti va manbai sifatida faol investitsiya siyosatini amalga oshirish va xorijiy investitsiyalarni jalb etish muhim ahamiyat kasb etadi. Iqtisodiyotimizga jalb qilinayotgan xorijiy investitsiyalar hajmi yildan-yilga ortib borayotgani ham buning yorqin dalilidir. Quyida berilgan diagrammada mamlakatimizga jalb qilingan va jalb qilinishi rejalashtirilgan xorijiy investitsiyalar, shuningdek, to’g’ridan-to’g’ri xorijiy investitsiyalarning yillar bo’yicha o’zgarish sur’ati keltirilgan:

3.2.3-diagramma
2010-2013-yillarga mo’ljallangan davlat investitsiya dasturlari doirasida to’g’ridan-to’g’ri xorijiy sarmoyalarni o’zlashtirish dinamikasi