Toshkent davlat sharqshunoslik instituti xorijiy mamlakatlar iqtisodiyoti va mamlakatshunoslik fakulteti

Ishning tuzilishi. Bitiruv malakaviy ishi kirish qismi, 3 ta bob, 6 ta paragraf, xulosa hamda foydalanilgan adabiyotlar ro’yxatidan iborat.
Bitiruv malakaviy ishining kirish qismida tadqiq etilayotgan mavzuning dolzarbligi, tadqiqotning maqsad va vazifalari, o’rganilganlik darajasi va ilmiy yangiligi yoritib berilgan.
Bitiruv malakaviy ishining “Investitsion muhitning nazariy-ilmiy jihatlari” nomli birinchi bobida investitsiyalarning milliy iqtisodiyotdagi o’rni va ahamiyati, ularning turlari va shakllari, investitsion muhitning mohiyati va uni baholash mezonlari yoritib berilgan.
Ishning “MDH mamlakatlarida investitsion muhitning o’ziga xos xususiyatlari (Rossiya misolida)” nomli ikkinchi bobida Rossiya iqtisodiyoti misolida mamlakatda mavjud investitsion holat va uni yaxshilashga qaratilgan chora-tadbirlar, u bilan bo’g’liq mavjud qonunchilik bazasi tavsiflangan, mamlakat iqtisodiyotiga jalb qilingan investitsiyalar dinamikasi tahlil qilingan.
Ishning “O’zbekistonda investitsion muhitni takomillashtirishda xorijiy investitsiyalarning o’rni” nomli ichinchi bobida mamlakatda yuqori texnologiyali ishlab chiqarishlarni rivojlantirishga to’g’ridan-to’g’ri qo’yilmalar kiritayotgan xorijiy investorlar uchun maksimal darajada qulay investitsion muhitni yaratish, ishlab chiqarishlarni modernizatsiya qilish, texnik va texnologik yangilash bo’yicha loyihalarni amalga oshirish uchun xorijiy investitsiyalar jalb etilishini rag’batlantirish maqsadida yaratilayotgan qulay qonunchilik bazasi, xorijiy investitsiyalarni yanada keng miqyosda jalb qilish uchun qonun asosida yaratilgan imtiyozli moliyaviy sharoitlar, shuningdek, O’zbekistonda xorijiy investitsiyalar dinamikasi va u bilan bog’liq muhim investitsion loyihalar ko’rsatib berilgan.
Ishning xulosa qismida esa tahlillar natijalariga asoslangan xulosalar va takliflar keltirilgan.