Toshkent davlat sharqshunoslik instituti sharq filologiyasi fakulteti tarjima nazariyasi va amaliyoti kafedrasi

돌²⁹ - chaqaloq tug’ilganiga 1 yil bo‘lgan kun hisoblanib, bunda bolaga bag’ishlanib katta ziyofat beriladi. Sharq va g’arb davlatlarida tug’ilgan kunni bayram qilib o‘tkazib qutlash urfga kirib qolgan. Lekin Koreyada ayniqsa birinchi tug’ilgan kunni o‘ziga xos deb hisoblab nishonlash katta urf-odatga aylangan. 돌 kuni ertalab butun oila a’zolari 미역국 va 쌀밥 ni iste’mol qilishadi. Shundan so‘ng 돌dasturxonini tayyorlab, bolaga milliy kiyim va 돌 bayrami anjomlari ya’ni bosh kiyim, 돌 to‘g’nog’ichi,돌 karmoni kiydiriladi. 돌 ziyofati o‘tkazilganidan so‘ng eng muhim bir marosim o‘tkaziladi. Bu marosim 돌 ushlashi deb atalib, bunda bolaning oldiga bir necha narsalar qo‘yiladi va bola ulardan birini tanlab, o‘z hayot yo‘li qanday kechishini tanlaydi. Odatda stol ustiga guruch, pul, taroq, kitob, o‘q, igna kabi narsalar qo‘yiladi. Bola guruch yoki pulni ushlasa, boyligi ko‘p bo‘ladi deb, taroq yoki kitobni ushlasa, katta olim bo‘ladi deb, o‘qni ushlasa, buyuk general bo‘ladi deb, ignani ushlasa esa, uzoq umr ko‘radi deb ishonib kelishmoqda.

Yuqorida qayd etib o‘tilgan koreys xalqining milliy madaniyati, o‘ziga xos mentalitetiga taalluqli elementlar frazeologiyalarda ham o‘z aksini topgan.

Jumladan, 밥bilan bog’liq frazeologizmlarni olaylik:

밥을 먹다³⁰ iborasi “hayot kechirmoq, kun ko‘rmoq” ma’nosini beradi. Masalan: “그런 직업을 가지고 밥을 먹을 수 있을지 모르겠다”-

“Bunday kasb bilan kun ko‘ra olamizmi yo‘qmi bilmadim”

밥을 먹여주다³¹- yaramoq, yordam bermoq, foydasi tegmoq. Misol:

“공부가 밥 먹여 주는 것도 아닌데 그렇게고 생하면서 할 필요가 있을까” –

“O‘qishning foydasi yo‘g’-u, shunchalik qiynalish shartmikin?”