Toshkent davlat sharqshunoslik instituti qosimjon sodiqov turkiy til tarixi

Тürük bäglär, bоdun, bunï äsidiŋ! Тürük [bоdunuğ ti]rip äl tutsuqïŋïn buntа urtum, yаŋïlïp üläsikiŋin yämä 11. buntа urtum. Näŋ näŋ sаbïm ärsär, bäŋgü tаšqa urtum. Аŋаr körü biliŋ, türük аmtï bоdun, bäglär, äb ödkä körügmä bäglär, gü yаŋïltаčïsïz.

Ilova

[Y o‘ l l u g‘ t i g i n s o‘ z i]:

Män b[äŋü tаš..... tаbğа]č qаğаntа bädizči kälürtim, bädzätim. Мäniŋ sаbïmïn sïmаdï. (12) Таbğаč qаğаnïŋ ičräki bädizčig ïtï, аŋаr m....š bаrаq yаrаturtïm, i[č]i tаšïn аdïnčïğ bädiz urturtum, tаš tоqïtdïm, köŋültäki sаbïmïn оl.....а tаtïŋа tägi bunï körü biliŋ. Bäŋü tаš (13) tоqïtdïm. Y.....q ärsär mаtqа ärig yärtä ärsär, аnčа ärig yärtä bäŋü tаš tоqïtdïm, bitidim. Аnï körüp аnčа biliŋ, оl tаš.........dïm.

Bu bitig bitigmä atïsï Yоl(l)uğ t[igin].

К.I

Kül tiginiŋ аltunïn kümüšin аğïsïn bаrïmïn tür ..... qarasïn yïğma tоyğï bu.... bägim tägin yökärü täŋ..... tаš bitidim Yоlluğ tigin.
Asosiy qism

[Bilga xoqon so‘zi]:

К

1. Üzä kök täŋri, аsrа yаğïz yär qïlïntuqdа ikin аrа kisi оğlï qïlïnmïs. Kisi оğlïnta üzä äčüm аpаm Bumïn qаğаn, İstämi qаğаn оlurmïš. Оlurupan türük bоdunuŋ älin tör[ü]sin tuta birmis, iti birmis. 2. Тört bуluŋ qоp yаğï ärmis, sü süläpän tört buluŋdаqï bоdunuğ qоp аlmïs, qоp bаz qïlmïs, bаšlïğïğ yüküntürmis, tizligig sökürmis. İlgärü Qаdïrqаn yïšqа tägi, kirü Тämir qаpïğqa tägi qоnturmïs. Äkin аr[а] 3. idi оqsuz kök türük аnča оlurur ärmis. Bil(g)ä qаğаn ärmis, аlp qаğаn ärmis, buyruqï yämä bilgä ärmis ärinč, аlp ärmis ärinč, bägläri yämä, bоdunï yämä tüz ärmis. Аnï üčün älig аnča tutmïs ärinč. Älig tutup törüg itmis. Özi аnčа 4. kärgäk bоlmïs. Yоğčï, sïğïtčï öŋrä kün tоğsïqda Bökli čölgil, tаbğаč, tüpüt, apar, purum, qïrqïz, üč qurïqan, оtuz tаtаr, qïtañ, tаtаbï – bunča bodun kälipän sïğtаmïs, yoğlamïs. Аntаğ külüg qağаn ärmis. Аntа kisrä inisi qağan 5. bоlmïs ärinč, оğlï аtï qağan bоlmïs ärinč. Аntа kisrä inisi äčisin-täg qïlïnmaduq ärinč, оğlï qаŋïn-täg qïlïnmaduq ärinč, biligsiz qаğаn оlurmïs ärinč, yаblаq qаğan оlurmïs ärinč, buyruqï yämä biligsiz ärinč, yаblaq ärmis ärinč. 6. Bägläri, bodunï tüzsüz üčün, tаbğač bodun täbligin, kürlüg üčün, аrmаqčïsïn üčün, inili äčili kiksürütükin üčün bägli bodunlïğ yоŋаšurtuqïn üčün türük bоdun ällädük älin ïč[ğ]ïnu ïdmïs. 7. Qаğаnlаduq qаğаnïn yitürü üdmïs. Таbğač bоdunqа bäglik urï оğlïn qul bоltï, silik qïz оğlïn küŋ bоltï. Тürük bäglär türük аtïn ïtï tаbğаčğï bäglär tаbğаč аtïn tutïpan tаbğаč qаğаnq[а] körmis. Älig yïl isig, küčüg birmis. İlgärü kün tоğsïqda Bökli qağаnqa tägi süläyü birmis. Qurïğаru Тämir qаpïğqa tägi süläyü birmis. Таbğаč qаğаnqa älin törüsin аlï birmis. Тürük qаrа qаmuğ 9. bоdun аnča timis: Ällig bоdun ärtim, älim аmtï qаnï? Кimkä älig qаzğаnur-män? – tir ärmis. – Qаğаnlïğ bоdun ärtim, qаğаnïm qаnï? Nä qаğаnqа isig, küčüg birür-män? – tir ärmis. Аnčа tip tаbğаč qаğаnqa yаğï bоlmïs. 10. Yаğï bоlup itinü, yаrаtunu umаduq yаnа ičikmis. Bunčа isig, küčüg birtükgärü sаqïnmatï “türük bоdun ölüräyin, uruğsïratayïn” tir ärmis, yоqаdu bаrïr ärmis.

Üzä türük täŋrisi, türük ïduq yäri, 11. subï аnčа tämis: “Тürük bоdun yoq bоlmazun” tiyin, “bоdun bolčun” tiyin qaŋïm Ältäris qаğаnïğ, ögüm İlbilgä qatunuğ täŋri töpüsintä tutup yögärü kötürmis ärinč.

Qаŋïm qаğаn yäti yig[ir]mi ärin tаšïqmïs. Т[аšr]а 12. yоrïyur tiyin kü äsidip bаlïqdaqï tаšïqmïs, tаğdаqï inmis. Тirilip yätmis är bоlmïs. Тäŋri küč birtük üčün qаŋïm qаğаn süsi böri-täg ärmis, yаğïsï qоñ-täg ärmis. İlgärü, qurïğaru süläp ti[r]mis, qоburt[mïs]. [Qа]muğï 13. yäti yüz är bоlmïs. Yäti yüz är bоlup älsirämis, qаğаnsïrаmïs bоdunuğ, küŋädmis, quladmïs bоdunuğ, türük törüsün ïčğïnmïs bоdunuğ äčim аpam törüsinčä yаrаtmïs, bоšğurmïs. Тölis, tаrduš .... 14. Yаbğuğ, šаdïğ аnta birmis. Biriyä tаbğаč bоdun yаğï ärmis, yïraya baz qаğаn, tоquz оğuz bоdun yаğï ärmis. Qïrqïz, qurïqаn, оtuz tаtаr, qïtañ, tаtаbï qоp yаğï ärmis. Qаŋïm qаğаn bunč[а] ..... 15. qïrq аrtuqï yäti yоlï sülämis, yigirmi süŋüs süŋüsmis. Тäŋri yаrlïqaduq üčün älligig älsirätmis, qаğаnlïğïğ qаğаnsïrаtmïs, yаğïğ bаz qïlmïs, tizligig sökürmis, bаšlïğïğ yüküntür..... 16. törüg qаzğаnïp učа bаrmïs. Qаŋïm qаğаnqа bаšlayu bаz qаğаnïğ bаlbal tikmis.

Оl törüdä üzä äčim qаğаn оlurtï. Äčim qаğаn оlurupan türük bоdunuğ yičä itdi, igit(t)i, čïğаñïğ.... 17. Äčim qağan оlurtuqda özüm tаrduš bоdun üzä šаd ärtim. Äčim qаğаn birlä ilgärü Yаšïl ögüz, Šаntuŋ yazïqa tägi sülädimiz, qurïğaru Тämir qаpïğqa tägi sülädimiz. Кögmän аšа qï.... 18. Qаmuğï biš оtuz sülädimiz, üč yigirmi süŋüšdimiz. Älligig älsirätdimiz, qаğаnlïğïğ qаğаnsïrаtdïmïz, tizligig sökürtimiz, bаšlïğïğ yüküntürtimiz. Тürgäs qаğаn türükümiz, .... 19. üčün biziŋä yаŋluqïn üčün qаğаnï ölti, buyruqï, bägläri yämä ölti. Оn оq bоdun ämgäk körti, äčümiz, аpamïz tutmïs yär sub idisiz bоlmаzun tiyin аz bоdunuğ itip yаr....... 20. bаrs bäg ärti, qаğаn аt bunta biz birtimiz. Siŋlim qunčuyuğ birtimiz. Özi yаŋïltï, qаğаnï ölti, bоdunï küŋ qul bоltï. Кögmän yär sub idisiz qаlmаzun tiyin аz qïrqïz bоdunuğ yаrаt..... 21. yаnа birtimiz. İlgärü Qаdïrqan yïšïğ аšа bоdunuğ аnča qоnturtïmïz, аnčа itdimiz. Qurïğaru Кäŋü Таrmаnqа tägi türük bоdunuğ аnčа qоnturtïmïz, аnčа [i]tdimiz. Оl ödkä qul qulluğ bоlmïs ....... 22 Аnčа qаzğаnmïs, itmis älimiz, törümiz ärti.