Тошкент давлат педагогика

Тадқиқотнинг амалий натижалари қуйидагилардан иборат: тадқиқотдан олинган натижалар ва илгари сурилган ғоялар ёшлар
ўртасида соғлом турмуш тарзи тўғрисидаги тасаввурлар шаклланишининг ижтимоий-психологик, ҳудудий ва этнопсихологик омилларини ўрганиш ва
ёшларнинг зарарли одатларга берилишининг олдини олиш бўйича муайян ёндашувларни яратишга муносиб ҳисса бўлиб қўшилади;
олинган илмий хулоса ва амалий тавсиялардан оилада ёшларнинг соғлом турмуш тарзи тўғрисидаги тасаввурлар шаклланишида ота- оналарнинг тарбиявий фаолиятларида, ота-оналар университети, маҳалла ва оилани қўллаб-қувватлаш вазирлиги мутахассислари фаолиятларида фойдаланиш мумкин;
натижалар ва амалий тавсиялардан оммавий ахборот воситаларида ёшларда соғлом турмуш тарзи тўғрисидаги тасаввурларнинг шаклланиши муаммоси бўйича махсус кўрсатувлар ва рукнлар ташкил этишга ва уларнинг таъсирчанлик даражасининг ошишига хизмат қилади.
Тадқиқот натижаларининг ишончлилиги ишда тадқиқот вазифаларини ечишга хизмат қиладиган тадқиқот методикаларининг қўллангани, ишончли ва самарадор замонавий математик статистика усулларидан фойдаланилгани, хулоса ва тавсияларнинг амалиётга жорий этилгани, олинган натижаларнинг ваколатли органлар ва тузилмалар томонидан тасдиқлангани билан изоҳланади.
Тадқиқот натижаларининг илмий ва амалий аҳамияти. Тадқиқот натижаларининг илмий аҳамияти оилада ёшларнинг соғлом турмуш тарзи тўғрисидаги тасаввурлари шаклланишининг психологик компонентлари, ижтимоий-психологик ва этнопсихологик омиллари аниқлаштирилгани, оила ва оилавий муҳитнинг ёшларда соғлом турмуш тарзи тўғрисидаги тасаввурларнинг шаклланиши ўзига хос таъсири асослангани, оилада ёшларнинг соғлом турмуш тарзи тўғрисидаги тасаввурлари шаклланишининг ижтимоий-психологик хусусиятларини ўрганиш бўйича сўровномалар ишлаб чиқилгани билан белгиланади.
Тадқиқот натижаларининг амалий аҳамияти шундан иборатки, олинган натижалар, ишлаб чиқилган сўровнома ва хулосалардан бўлажак психологларни тайёрлаш, амалий психологларни қайта тайёрлаш ва малакасини оширишда маърузалар ўқиш, ўқув адабиётларини яратишда фойдаланиш мумкинлиги билан изоҳланади.