Тошкент давлат педагогика

4-расм. “Ўз саломатлигингизни сақлаб туриш учун бирон чора кўрасизми?” саволи бўйича натижа кўрсаткичлари (n=490)

Нима учун саломатлигингиз тўғрисида кам ёки номунтазам қайғурасиз?” саволига респондентларнинг ўртача кўрсаткич бўйича юқори даражалар “Бунинг учун нима қилиш кераклигини билмайман” (19,3%), “Мен саломатман, шунинг учун бунга эҳтиёжим йўқ” (13.3%), “Билмайман, бунинг учун мос шарт-шароит йўқ” (13.2%) “Иродам етишмаяпти” (12.9%); паст даража “Ўзимни чеклашни истамайман” (4,5%), “Бунга шерик йўқ (Бир ўзим зерикаман)” (8.2%), “Бунга вақтим йўқ” (7,9%) жавобларига тўғри келади.
Тадқиқотда турли ёшдаги респондентларда соғлом турмуш тарзи тўғрисидаги тасаввурларнинг шаклланганлик хусусиятларини аниқлаш мақсадида уларнинг саломатликка бўлган муносабатини ўрганишда Дерябо ва Ясвиннинг “Саломатликка бўлган муносабат индекси” методикасидан фойдаланилди. Мазкур методиканинг хусусиятларига кўра, “саломатликнинг қадрият сифатида баҳоланиши”, “саломатликка муносабатнинг турмуш тарзи сифатида намоён бўлиши”, “соғликни сақлаш мезонининг ифодаланиши”, “саломатликни таъминлаш тарғиботидаги иштироки” каби шкалалар бўйича ўрганилди. Методиканинг илк шкаласи соғликни сақлашни қадрият сифатида эътироф этиш даражасини баҳолашга йўналтирилган.
Тадқиқотимизда турли ёшдагилар кесимида саломатликнинг қадрият сифатида баҳоланиши натижаларига кўра, саломатликка қадрият сифатида қараш ва муносабатда бўлиш аксарият ёшларда мавжудлиги кузатилди (54,4, 65,3, 69,4%). “Саломатликнинг қадрият сифатидаги баҳоланиши” даражалари респондентларнинг турли ёш даврлари бўйича ўзаро қиёсланганда, илк ўсмирлик ёш даврида (10-11 ёш) “саломатликка муносабат индекси”нинг қуйи даражаси 11,4 %, ўрта даражаси 34,2 %, юқори даражаси 54,4 % ни ташкил қилди. Ўсмирлик ёш даврида (12-15 ёш) “саломатликка муносабат индекси”нинг қуйи даражаси 8,2 %, ўрта даражаси 26,5 %, юқори даражаси 65,3 % га тенг бўлди. Ўспиринлик ёш даврида (16-18 ёш) “саломатликка муносабат индекси”нинг қуйи даражаси 6,7 %, ўрта даражаси 23,9 %, юқори даражаси 69,4 % кўрсаткичга эга бўлди (5-расм).