Toshkent davlat pedagogika universiteti tarix fakulteti

Xulosa va takliflar qismi malakaviy ishning umumiy hajmining 5-7 foizini tashkil etadi. Unda ish mazmuni bo’yicha ishlab chiqilgan xulosalar va aniq takliflar, erishilgan natijalar mujassamlashtiriladi. Malakaviy ish ayrim boblardagi xulosalar va takliflar bilan ham tugallanishi mumkin, ammo undan eng muhimlari ishning oxirida, ya`ni xulosa bo’limida aks ettirilishi kerak.

bitiruv malakaviy ishning xulosa qismida olib borilgan tadqiqot natijalari keltiriladi, umumlashtirilgan holda malakaviy ish maqsadi va vazifalarida ifodalangan masalani o’rganilganlik xulosalari bayon etiladi, mavzuning istiqboldagi ishlab chiqilishi mo’ljallanadi.

Bitiruv malakaviy ishining xulosa qismida talaba tugallangan kasbiy topshiriqni echadi. YA`ni u bitiruv malakaviy ishning xulosa qismidagi asosiy masalalarda o’z nuqtai nazarlarini asosli tarzda bayon etishi lozim. Bunda bakalavr:

• echilayotgan topshiriq bo’yicha masala holatini o’rganib, uni tahlil qilib beradi;

  
  

- kasbiy-pedagogik talablarni ifodalaydi, topshiriqni echish talqinlarini ko’rib chiqadi va oqilona yo’lni aniqlaydi;

- psixologik, pedagogik va metodik echimning matematik-statistik tahlilini qilib beradi;

- hal etilgan masalaning iqtisodiy samaradorlik darajasini belgilaydi;

- topshiriq echimi bo’yicha xulosa va takliflarni beradi hamda ularni amaliyotga tatbiq etish imkoniyatini aniqlaydi.

Bu qismda ko’rilayotgan masalaning hozirgi ahvoli tahlil qilinadi, amaliyot davrida to’plangan statistik materiallar asosida tadqiqot ob`ektida mavjud kamchiliklarni yo’qotishga qaratilgan takliflar va tavsiyalari asoslanishi kerak. Tajriba orttirish vaqtida yig`ilgan hamda tadqiqot jarayonida tahlil qilingan meteriallar hal qilinmagan masalalar, muammolarni aniqlash va shunga muvofiq xulosalar keltiriladi. Muammoni o’rganish uslub va uslubiyati yoritiladi. Bu malakaviy ish mazmunining asosiy g`oyasini ifodalaydi.

Xulosa yangi ma`lumotlar, dalillar, belgilarni o’z ichiga olmasligi, balki xulosalar ishning asosiy matnidan mantiqiy kelib chiqishi zarur. Xulosaning taxminiy hajmi 3-5 varaqdan oshmasligi kerak.