85
TOSHKENT DAVLAT PEDAGOGIKA UNIVERSITETI ILMIY AXBOROTLARI
2020/2(23
)
Keywords
: structural, eclectic, communicative, axiom, character, principle, essence.
O‘zbekiston Respublikasi bugungi rivojlanish bosqichida madaniyat, san’at va fan sohalariga
alohida e’tibor qaratmoqda. Shuning bilan birga yoshlar chet tillarini o‘rganishlari uchun, har jihatdan
bilimli va mustaqil fikrli kishilar qilib tarbiyalash yuzasidan ham qator islohotlar amalga oshirilmoqda.
Mamlakatimizda “Bir necha xorijiy tillarni biluvchi zamonaviy kadrlar tayyorlash, xorijiy tillar bo‘yicha
ilmiy ishlar olib borish, til o‘rganish metodologiyasini takomillashtirish” kabi vazifalar belgilangan. Bunda
xorijiy tillarni o‘qitishda innovatsion texnologiyalardan foydalanish, talabalarda S1
darajadagi leksik
birliklarni kommunikativ yondashuv orqali takomillashtirish muhim vazifalardan biri hisoblanadi.
O‘zbekiston Respublikasini yana-da rivojlantirish bo‘yicha “Harakatlar strategiyasida” “uzluksiz ta’lim
tizimini yana-da takomillashtirish, sifatli ta’lim xizmatlari imkoniyatlarini oshirish, mehnat bozorining
zamonaviy ehtiyojlariga mos, yuqori malakali kadrlar tayyorlash siyosatini davom ettirish” kabi muhim
vazifalar belgilandi. Ingliz tilida so‘zlashuvchi
xalqlarning ijtimoiy-iqtisodiy, siyosiy va madaniy
sohalardagi yutuqlarini o‘rganish bilan birga talabalarda ingliz tili S1 darajadagi leksik birliklarni
kommunikativ yondashuv orqali takomillashtirish usullarini ishlab chiqish muhim ahamiyat kasb etadi.
Xorijiy tillarni o‘rganishga bo‘lgan ehtiyoj ko‘paygani sari tilni o‘qitish sifatini oshirishga intilish, tillarni
qanday o‘rganish, tilni bilish, uni xotirada qanday aks ettirilganligi va tashkil etilganligi yoki tilning qanday
tuzilganligi haqida umumiy tamoyillar va nazariyalarga murojaat qilish zarur bo‘lib bormoqda.
Har qanday tilni o‘rgatish yoki o‘rganish tasodifan sodir bo‘lmaydi; bu juda tizimli jarayon bo‘lib,
o‘ziga xos texnikalar, usullar va yondashuvlar yordamida amalga oshiriladi.
Xorijiy tillarni muntazam
ravishda o‘rganish uchun zamonaviy materiallar, turli xil yondashuvlar, eng yangi usullardan foydalanish
va eng yuqori darajada o‘rganishni ta’minlaydigan qiziqarli shaklda taqdim etish muhimdir.
1963-yilda amerikalik amaliy tilshunos Edvard Entoni konseptualizatsiya va tashkiliylikning uch
darajasini aniqlab bergan. Ular yondashuv, usul va texnika deb ataladi. Uning fikriga ko‘ra yondashuv –
bu til va tilni o‘rganish bo‘yicha taxminlar va e’tiqodlarni aniqlash darajasi.
Yondashuvning bir necha turlari mavjuddir. Ular strukturaviy yondashuv, kommunikativ
yondashuv, eklektik yondashuv, vaziyatga yondashish va boshqalar. Har qanday xorijiy tillarni o‘qitish
va o‘rganishda usullar, yondashuvlar hamda texnik vositalar muhim ahamiyatga ega. Usullar,
yondashuvlar va texnik vositalar tilni o‘qitish maqsadlariga erishish uchun
til qobiliyatlari va til
ko‘nikmalarini qoniqarli ravishda rivojlantirish uchun tilni o‘qitish dasturini amalga oshirish vositasidir.
Barcha usullar, yondashuvlar va metodlarni bir xil darajada samarali va bir vaqtning o‘zida tilni o‘qitish
jarayonida qo‘llab bo‘lmaydi, chunki til o‘qitish usullari va uslublari muayyan tilning maqomi o‘zgarishi
bilan o‘zgaradi. Bir usul, yondashuv yoki texnikani cheklash va kamchiliklarni bartaraf etishga urinishlar
natijasida, boshqa usul, yondashuv yoki texnikaning paydo bo‘lishiga olib keladi. Xorijiy tillarni o‘qitish
va o‘rganishda ko‘plab usullar, yondashuvlar va texnikalar muhimdir va ularning barchasi o‘ziga xos
xususiyatga egadir.
Stem (1983) yondashuvga shunday ta’rif beradi: “Yondashuv - bu tilning tabiati va tillarni o‘qitish
va o‘rganish xususiyatlari bilan bog‘liq bo‘lgan o‘zaro bog‘liq taxminlar to‘plami. Yondashuv
aksiomatikdir. Unda o‘qitiladigan fanning mohiyati tavsiflanadi.” Kommunikativ yondashuv xususida
ko‘plab tilshunos olimlar o‘z tadqiqotlarini olib borganlar. Buni 1960-yillarning oxirida ingliz tilidagi
an’analarning o‘zgarishlaridan ko‘rish mumkin. Kommunikativ yondashuv
Robert Langs tomonidan
ishlab chiqilgan, Angliya va Amerikalik ba’zi mutaxassislar tomonidan qo‘llab quvvatlangan. Xiymens
(Hymens)ning fikricha, kommunikativ kompetensiya umumiy matnlardan
samarali foydalanishni
anglatadi. Keyinchalik bu tilning qiymatiga asosiy e’tiborni qaratgan holda yondashuvni targ‘ib qilgan va
bu kommunikativ yondashuv deb atala boshlagan. 1976-yilda kommunikativ yondashuv (Wilkins) Uilkins
tomonidan qo‘llab quvvatlangan. Ushbu yondashuv “funksional yondashuv” sifatida ham qo‘llanilgan,
chunki u funksional maqsadlar uchun tildan foydalanadigan o‘quv dasturlarini o‘z ichiga olgan.
